Вы тут

Прэзідэнт: На чым зараз спатыкаемся ў беларуска-расійскіх адносінах?


Галоўнай тэмай сустрэчы былі эканамічныя адносіны з Расіяй.


«Хацеў бы абмеркаваць шэраг пытанняў прынцыповага характару з улікам праведезных інтэграцыйных мерапрыемстваў на ўзроўні ўрадаў поставецкіх дзяржаў, — сказаў Прэзідэнт. — Калі паглядзець пад гэтым вуглом, якая ў нас зараз абстаноўка з Расійскай Федэрацыяй? Канешне ж, маючы той комплекс пытанняў і праблем, якія засталіся, няхай іх нават няшмат, пасля нашай сустрэчы ў Санкт-Пецярбургу з Уладзмірам Уладзіміравічам Пуціным. Якая зараз сітуацыя, абстаноўка? Ці дапрацаваныя тыя пытанні, якія заставаліся? І на чым зараз спатыкаемся ў беларуска-расійскіх адносінах? Гэта галоўнае пытанне».

Закрануў Прэзідэнт і стан спраў з іншымі постсавецкімі краінамі. «Вось з прэм’ерам Грузіі сустракаліся, вам ён, напэўна таксама пра гэта скажа: у нас з лагістыкай праз Украіну — пастаўка нашых тавараў у Закаўказзе — не вельмі ладзіцца. Напэўна, гэта нашы недапрацоўкі, бо наўрад ці Украіна будзе перашкаджаць гандлю — ім таксама выгадна, гэта транзітная для нас краіна», — сказаў ён.

«Я гатовы абмеркаваць шэраг іншых пытанняў, якія ў вас ёсць», — дадаў Прэзідэнт. 

Сяргей Румас распачаў размову з кароткага даклада аб рабоце эканомікі краіны.

«Сёння сітуацыя ў эканоміцы збалансаваная, выконваецца большасць якасных паказчыкаў, — запэўніў ён. — Стабільная сітуацыя на грашовым рынку, на фінансавым, на валютным. Інфляцыя знаходзіцца ў запланаваных межах. Мы сёння атрымалі лічбы па заробках. Заробкі растуць, і лічба па ліпеню — 1128 рублёў. Сярэдні заробак (з пачатку года — «Зв.») нарастаючым тэмпам ужо — 1055. Гэта некалькі вышэй за тыя параметры, якія планаваў урад. І, адпаведна, гэта на нас накладае дадатковыя абавязкі па пошуку сродкаў, каб заробкі бюджэтнікаў, пенсіі трымаліся на ўсталяваных вамі ўзроўнях: 80 працэнтаў і 40 працэнтаў ад сярэдняга заробку (па краіне — «Зв.»)».

На гэта Прэзідэнт заўважыў: «Але мы з вамі дамаўляліся нізкааплатных падымаць, сацыяльную сферу, адукацыю, ахову здароўя... Нянечкі, работнікі нізкага звяна — яны ж людзі, трэба іх падтрымліваць».

«Сёння асноўны ўпор у дзейнасці ўрада як раз на тое, каб нізкааплатныя катэгорыі атрымлівалі годную заработную плату», — адказаў прэм’ер-міністр.

Вольга МЯДЗВЕДЗЕВА

Фота БелТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.