Вы тут

Урад зоймецца прадпрыемствамі з сярэднім заробкам ніжэй за Br500


Урад вывучыць сітуацыю на прадпрыемствах з сярэднім заробкам ніжэй Br500, паведаміў сёння журналістам прэм'ер-міністр Сяргей Румас пасля даклада кіраўніку дзяржавы, паведамляе БЕЛТА.


"Кіраўнік дзяржавы нагадаў, што наступная планка - Br500, таму зараз першы віцэ-прэм'ер Аляксандр Турчын курыруе гэтую працу, з другога паўгоддзя мы пачынаем прадметна займацца колам прадпрыемстваў, якія трапляюць у дадзеную катэгорыю", - адзначыў Сяргей Румас.

Раней урад ставіў задачу звярнуць увагу на прадпрыемствы, дзе атрымліваюць у сярэднім менш за Br400. "Урад практычна дамогся выніку, што ў краіне няма прадпрыемстваў, сярэдняя зарплата на якіх была б ніжэй за Br400. Ёсць некалькі прадпрыемстваў, якія мы ведаем пайменна і разумеем прычыны, чаму гэта атрымалася", - дадаў прэм'ер-міністр.

У цэлым па краіне, па словах кіраўніка ўрада, цяпер заработная плата расце нават вышэй за прагноз, які вызначыў урад у сваіх праграмных дакументах. У ліпені сярэдняя зарплата склала Br1128.

Сяргей Румас звярнуў увагу, што, з аднаго боку, такі рост нельга не вітаць, таму што павышаецца ўзровень дабрабыту грамадзян, прычым гэта павышэнне заработнай платы адбываецца пры ўмове стабільнай работы эканомікі ў цэлым, спакойнай сітуацыі на валютным рынку. Разам з тым урад не можа не турбаваць, што рост прадукцыйнасці працы адстае ад росту заробкаў. "Гэтая тэма знаходзіцца ў нас на кантролі. Мы працуем з галінамі, з канкрэтнымі прадпрыемствамі, таму што гэта ў першую чаргу тычыцца дзяржаўных прадпрыемстваў, каб пазбегнуць дысбалансу, і прадукцыйнасць працы не адставала ад росту заробкаў", - падкрэсліў прэм'ер-міністр

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.