Вы тут

Як падвоіць тавараабарот Беларусі і Грузіі?


Пра гэта ўчора ішла размова на сустрэчы прэм'ер-міністра Беларусі Сяргея Румаса з прэм'ер-міністрам Грузіі Мамукам Бахтадзэ.


«Краіны маюць вялікія магчымасці ў гандлі адно з адной як таварамі, так і паслугамі. Лічба, якая абмяркоўваецца, — 200 мільёнаў долараў, гэта бліжэйшая задача. З другога боку, яна таксама не з'яўляецца нейкай мяжой або непераадольнай лічбай», — сказаў Сяргей Румас.

Паводле яго слоў, Беларусь гатова развіваць з Грузіяй прамысловую і сельскагаспадарчую кааперацыю. Пілотныя праекты ў гэтых сферах ужо рэалізуюцца. «Беларусь мае развітое машынабудаванне, і мы бачым, што беларускія прадпрыемствы гатовы цалкам задаволіць патрэбы грузінскіх аграрыяў у сучаснай тэхніцы, навясным абсталяванні. Прычым мы гатовыя адаптаваць тэхніку да ўмоў горнай Грузіі», — дадаў Сяргей Румас. Грузію можа зацікавіць і электратранспарт.

«Беларусь выступае за развіццё шматпланавых адносін з Грузіяй, якая з'яўляецца для нас не толькі надзейным партнёрам, але і брацкай дзяржавай», — рэзюмаваў беларускі прэм'ер-міністр.

У сваю чаргу, Мамука Бахтадзэ падкрэсліў, што ў апошнія гады адносіны Грузіі і Беларусі знаходзяцца на вельмі высокім узроўні. «Гандлёва-эканамічныя адносіны выходзяць на новыя пазіцыі», — сказаў ён. Прэм'ер-міністр Грузіі таксама адзначыў пазітыўную дынаміку развіцця культурнага супрацоўніцтва.

Паводле БелТА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.