Вы тут

Зборнік дакументаў аб барацьбе партызан на тэрыторыі Беларусі прэзентуюць 29 жніўня


Нацыянальны архіў адкрывае новыя старонкі гісторыі барацьбы партызан на тэрыторыі Беларусі, паведаміў БЕЛТА загадчык аддзела публікацый Міхаіл Скамарошчанка.


"Нацыянальным архівам Беларусі ўводзіцца ў навуковы абарот цэлы комплекс дакументальных крыніц - зборнік "Аператыўныя зводкі Беларускага штаба партызанскага руху. Студзень-ліпень 1944 г." Апублікаваныя дакументы дазваляюць убачыць даволі поўную карціну падзей, якія адбываліся на тэрыторыі Беларусі ў гэты перыяд. Асаблівая каштоўнасць заключаецца ў тым, што ў тэкстах дадзеных дакументаў утрымліваюцца звесткі пра сотні населеных пунктаў - гарадах, мястэчках і вёсках, што набывае асаблівую актуальнасць у Год малой радзімы. Як разлічваюць складальнікі, гэтае выданне дазволіць актывізаваць працу краязнаўцаў і ў цэлым дасць даследчыкам інфарматыўны масіў унікальных дакументальных крыніц", - распавёў Міхаіл Скамарошчанка.

Праца над зборнікам, прымеркаваным да 75-годдзя вызвалення Беларусі ад нямецка-фашысцкіх захопнікаў, вялася на працягу года. "У апублікаваных дакументах знайшлі адлюстраванне асноўныя падзеі баявой дзейнасці беларускіх партызан: дыверсіі і баявыя аперацыі па знішчэнні варожых гарнізонаў, супрацьстаянне нацысцкім карным экспедыцыям, рэйкавая вайна на камунікацыях праціўніка, узаемадзеянне з часцямі Чырвонай Арміі ў рамках вызвалення тэрыторыі Беларусі, звесткі аб колькасці і характары грузаў, дастаўленых народным мсціўцам з Вялікай зямлі, аб рэарганізацыі і перайменаванні партызанскіх фарміраванняў, месцах іх дыслакацыі і многае іншае", - адзначыў загадчык аддзела публікацый.

Зборнік прызначаны для навуковых і музейных работнікаў, краязнаўцаў, усіх, хто цікавіцца гісторыяй Беларусі. Яго прэзентацыя адбудзецца 29 жніўня ў Нацыянальным архіве Беларусі з удзелам архівістаў і гісторыкаў, прадстаўнікоў рэспубліканскіх органаў улады, грамадскасці.

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.