Вы тут

Беларускія студэнты прымуць удзел у ІІ Летняй школе па правах бежанцаў


Яна пройдзе з 26 па 30 жніўня ў Мінскім міжнародным адукацыйным цэнтры імя Ёханэса Рау. Мерапрыемства арганізуецца з мэтай прыцягнення будучых спецыяліста у вобласці права да абароны правоў бежанцаў і асоб без грамадзянства, а таксама падрыхтоўкі маладых спецыялістаў для работы ў сферы абароны правоў чалавека і рашэння гуманітарных пытанняў.


Навучанне пройдуць студэнты факультэта міжнародных адносін і юрыдычнага факультэта БДУ, будучыя юрысты з Беларускага дзяржаўнага эканамічнага ўніверсітэта, Брэсцкага дзяржаўнага ўніверсітэта імя А. С.Пушкіна, Віцебскага дзяржаўнага ўніверсітэта імя П.М.Машэрава, Гомельскага дзяржаўнага ўніверсітэта імя Ф.Скарыны, Гродзенскага дзяржаўнага ўніверсітэта імя Я.Купалы, Магілёўскага дзяржаўнага ўніверсітэта імя А.Куляшова, Полацкага дзяржаўнага ўніверсітэта і Міжнароднага ўніверсітэта "МІТСО”.

Для слухачоў з лекцыямі выступяць супрацоўнікі БДУ, ААН, Дэпартамента па грамадзянстве і міграцыі Міністэрства ўнутраных спраў Рэспублікі Беларусь, Дзіцячага фонду ААН (ЮНІСЕФ) і ПРААН.

У рамках школы таксама адбудзецца гульнявы судовы працэс. Удзельнікі падзеляцца на каманды і будуць працаваць над справамі па прапанаваных тэмах ў ролі суддзяў, спецыялістаў міграцыйнай службы і адвакатаў. Студэнтам трэба будзе абараніць і публічна прааналізаваць сваю пазіцыю. Журы ацэніць змест выступлення, сілу і паўнату аргументацыі і ўменне адказваць на пытанні.

Рабочыя мовы школы - руская і англійская.

Надзея НІКАЛАЕВА

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.