Вы тут

Інвестыцыі з Кітая выраслі ў сотні разоў


Прамыя замежныя інвестыцыі з гэтай краіны за апошнія дзесяць гадоў выраслі ў 200 разоў. Кітай заняў трэцяе месца ў ліку нашых гандлёва-эканамічных партнёраў, адзначыла ўчора намеснік міністра эканомікі Беларусі Алена Пярмінава пасля цырымоніі завяршэння будаўніцтва першага жылога дома ў індустрыяльным парку «Вялікі камень».


Партфель тэхніка-эканамічнай дапамогі Кітая на сёння складае ўжо паўмільярда долараў і, па словах намесніка міністра, будзе расці. У прыватнасці, толькі з 2015 года ў рамках 12 праектаў Кітай выдзеліў нашай краіне амаль на 185 мільёнаў долараў тэхніка-эканамічнай дапамогі. «Ключавымі праектамі з'яўляюцца развіццё індустрыяльнага парку «Вялікі камень», будаўніцтва сацыяльнага жылля, студэнцкага інтэрната ў Мінску, а таксама тэрапеўтычнага корпуса Мінскай цэнтральнай раённай бальніцы».

Кітайскія інвестыцыі накіраваны на будаўніцтва першай чаргі сістэмы электрыфікацыі індустрыяльнага парка і на рэканструкцыю рэчышча ракі Уша. Індустрыяльны парк першым у нашай краіне атрымаў міжнародны сертыфікат экалагічнага менеджменту і аўдыту, мае статус экагорада, у ім гарманічна спалучаюцца вытворчая, адміністрацыйная і жылая інфраструктуры. Для прыцягнення замежных інвестараў на тэрыторыі «Вялікага каменя» створаны лепшыя ўмовы для развіцця інавацыйных і экспартаарыентаваных вытворчасцяў.

Сяргей КУРКАЧ

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».