Вы тут

Больш за 500 курсантаў Ваеннай акадэміі прынялі прысягу


Яны паступілі на вучобу сёлета.

Сёння ў Ваеннай акадэміі — урачысты дзень. Больш за 500 курсантаў, якія сёлета паступілі ў армейскую навучальную ўстанову, прынялі прысягу. 


— Важнасць гэтай падзеі ў тым, што ўвесь уклад жыцця і адукацыйнага працэсу складаецца ў тым, каб падрыхтаваць з маладога хлопца дзяржаўніка, гатовага да самаахвяравання,- кажа начальнік Ваеннай акадэміі Віктар Лісоўскі. — Яны свядома закладваюць у сябе пэўны зыходны код, які будзе развівацца і ўдасканальвацца, заводзяць сябе ў вызначаныя рамкі. Разумеюць, што тут будзе вельмі шмат абмежаванняў. Яны дабравольна вырашылі звязаць свой лёс з Узброенымі Сіламі. І ні ў каго не павінна быць сумненняў, што гэтыя курсанты ў будучыні гарантавана абароняць сваю краіну. Пасля паступлення яны ўжо праходзілі на працягу месяца курс пачатковай ваеннай падрыхтоўкі, на якім была нават так званая «абкатка танкамі». Хлопцы вытрымалі гэтыя выпрабаванні і працягнуць вучобу. Вельмі высокія патрабаванні прад’яўляюцца да ўзроўню не толькі фізічнай, але і псіхалагічнай падрыхтоўкі, а таксама маральных якасцяў. Усё гэта ў сукупнасці і вызначае тыя асаблівасці, якія звязаны з прафесіяй абаронцы Айчыны.

Шэрагі навучэнцаў Ваеннай акадэміі сёлета папоўнілі як грамадзянская моладзь, так і выпускнікі Сувораўскага і кадэцкіх вучылішчаў, спецыялізаваных ліцэяў МУС і МНС, а таксама вайскоўцы. Вучыцца яны будуць па замове не толькі Міністэрства абароны, але і ўнутраных войскаў, Дзяржаўнага памежнага камітэта, а таксама Міністэрства па надзвычайных сітуацыях. Для іх адчынены дзверы сямі факультэтаў Акадэміі — агульнавайсковага, сувязі і аўтаматызаваных сістэм кіравання, проціпаветранай абароны, ваеннай разведкі, авіяцыйнага, унутраных войскаў і ракетных войскаў і артылерыі. Гэтыя падраздзяленні амаль цалкам забяспечваюць патрэбнасць у афіцэрскіх кадрах не толькі ва Узброеных Сілах, але і ў іншых сілавых структурах. 

Валяр’ян ШКЛЕННІК

Фота аўтара

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…