Вы тут

Споўнілася 50 год легендарнаму ансамблю «Песняры»


1 верасня 1969 — дзень пераўтварэння «роты мастацкай самадзейнасці» ў прафесійны ансамбль «Лявоны» Белдзяржфілармоніі, а фактычна — дзень нараджэння ВІА «Песняры».


Фота Pesniary.com

Гэты калектыў заснаваны ўраджэнцам расійскага Екацярынбурга Уладізмірам Мулявіным. Тым не менш, ён яшчэ з савецкіх часоў стаў музычным сімвалам Беларусі, усяго беларускага наогул. Многія іх песні набылі статус народных, былі пераасэнсаваныя наноў сучаснымі музыкантамі і выконваліся ў разнастайных творчых праектах — трыб’ютах, канцэртах, адмысловых тэматычных тэлепраграмах.

Нягледзячы на раскол напрыканцы 1990-х, які ледзь не паставіў кропку ў гісторыі «Песняроў», біяграфія калектыва працягваецца і справа яго жыве — як у афіцыйным Беларускім дзяржаўным ансамблі «Песняры» пад кіраўніцтвам Рамана Козырава, так і ў музыцы створанага ў 1998-м гурта «Беларускія песняры», у якім удзельнічаюць Валерый Дайнека, Уладзіслаў Місевіч, Алег Аверын і іншыя былыя ўдзельнікі знакамітага ВІА.

Першая беларуская рок-опера, першы савецкі ВІА, якому дазволены гастролі ў ЗША, выступленне на MIDEM у Канах, куды дапускаюцца толькі выканаўцы-лідары сваёй краіны па колькасці выпушчаных пласцінак, здымкі ў кіно, унушальная дыскаграфія, удзел у шматлікіх усесаюзных і міжнародных фестывалях і конкурсах... Пра «Песняроў» напісана мноства кніг і публіцыстычных артыкулаў, поўных і кампліментаў, і крытыкі, да якіх цяжка дадаць што-небудзь новае. Хібы прызнацца яшчэ раз у любові да ансамблю, які раскрыў багацце нашай культуры і песенную душу народу так глыбока і прыгожа, як мы і самі ўявіць не маглі?

Cёння прыхільнікі знакамітага ансамблю збяруцца на сустрэчу ў Мінску, каля помніка Уладзіміру Мулявіну, і ў музеі Мулявіна.

«Звязда» далучаецца да шматлікіх віншаванняў на адрас «Песняроў» і прапануе згадаць адзин з хітоў-жамчужын нашага музычнага скарбу — запісанае польскім тэлебачаннем выступленне на Міжнародным фестывалі песни ў Сопаце ў 1971 годзе.

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Спорт

16-гадовая тэнiсiстка Дар'я Хамуцянская:  На корце сяброў няма

16-гадовая тэнiсiстка Дар'я Хамуцянская: На корце сяброў няма

У яе планах — стаць лепшай за Арыну Сабаленку.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.