Вы тут

Лесвіца да аблокаў


Падыміцеся па гэтай лесвіцы. Прайдзіце побач з вінаграднымі лозамі, ступіце пад шаты старых дрэў, а потым на брукаваную сцежку, паглядзіце над сабой, і вы ўбачыце беласценную званіцу. Вышэй за яе — толькі неба.


На высокім пагорку падняліся да аблокаў купалы старажытнага храма. Гістарычныя дакументы сведчаць, што першыя камяні ў фундамент былі закладзены ў другой палове XIX стагоддзя. Храм Нараджэння Прасвятой Багародзіцы здзіўляе не толькі вытанчанасцю архітэктурных абрысаў, але і будаўнічым матэрыялам, які выкарыстоўвалі нашы продкі. Вялікія камяні надзейна трымаюць на сабе сцены пабудовы.

Падыміцеся па гэтай лесвіцы, прытуліцеся да самага вялікага каменя ў алтарнай сцяне — вы адчуеце незвычайную цеплыню. Магчыма, гэта ад таго, што храм пабудаваны высока, блізка да сонейка.

Яўген ПЯСЕЦКІ

Слонімскі раён, вёска Вялікая Кракотка

Выбар рэдакцыі

Грамадства

Пераможцы конкурсу «Сям'я года — 2019» пра галоўнае ў сямейным шчасці

Пераможцы конкурсу «Сям'я года — 2019» пра галоўнае ў сямейным шчасці

Алена і Сяргей Нікалаевы, а таксама іх пяцёра дзяцей усё яшчэ пад уплывам сваёй трыумфальнай перамогі.

Эканоміка

Падаткі на зямлю і нерухомасць трэба заплаціць да 15 лістапада

Падаткі на зямлю і нерухомасць трэба заплаціць да 15 лістапада

Тым, хто пратэрмінуе або забудзе ўнесці падатак, пагражаюць штраф, пені і ў выключных выпадках вас могуць не выпусціць з краіны.