5 верасня адбудзецца афіцыйнае адкрыццё Рэспубліканскага цэнтра псіхалагічнай дапамогі (РЦПП), створанага ў структуры Інстытута псіхалогіі БДПУ, паведаміла прэс-служба апошняга.
Спецыялісты цэнтра будуць аказваць кваліфікаваную псіхалагічную дапамогу навучэнцам і студэнтам, бацькам і педагагічным работнікам, якія апынуліся ў крызісных сітуацыях. Звярнуцца да псіхолагаў можна будзе як непасрэдна наведаўшы цэнтр, так і па тэлефоне альбо анлайн.
Для настаўнікаў, сацыяльных педагогаў, педагогаў-псіхолагаў краіны супрацоўнікі цэнтра будуць праводзіць навучальныя семінары па пытаннях аказання псіхалагічнай дапамогі суб'ектам адукацыйнага працэсу. Акрамя таго, для работнікаў устаноў адукацыі, дзяцей і бацькоў будуць распрацоўвацца метадычныя дапаможнікі, практыкумы, рэкамендацыі па стварэнні і падтрыманні бяспечнага адукацыйнага асяроддзя.
Цеснае ўзаемадзеянне РЦПП з рэгіянальнымі сацыяльна-педагагічнымі цэнтрамі забяспечыць своечасовае і прафесійнае рэагаванне на крызісныя падзеі на месцах. У мэтах выпрацоўкі напрамкаў супрацоўніцтва па пытаннях аказання псіхалагічнай дапамогі ў бліжэйшы час на базе РЦПП плануецца стварэнне міжведамаснага каардынацыйнага савета, куды ўвойдуць прадстаўнікі міністэрстваў адукацыі, аховы здароўя, працы і сацыяльнай абароны, унутраных спраў, па надзвычайных сітуацыях, іншых дзяржаўных органаў, а таксама ўстаноў адукацыі і навуковых арганізацый.
Плануецца, што ў адкрыцці цэнтра прымуць удзел міністр адукацыі Беларусі Ігар Васільевіч Карпенка, рэктар БДПУ Аляксандр Іванавіч Жук, прадстаўнікі Міністэрства адукацыі, устаноў адукацыі.
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».