Вы тут

На першым энергаблоку БелАЭС выканалі гідраўлічныя выпрабаванні на трываласць


На першым энергаблоку Беларускай атамнай электрастанцыі выканалі гідраўлічныя выпрабаванні трубаправодаў і абсталявання першага контуру на трываласць і шчыльнасць ціску 24,5 МПа.


Цяпер спецыялісты прыступілі да выпрабаванняў сістэм бяспекі на ўшчыльнены першы контур. У першай дэкадзе верасня пройдуць гідраўлічныя іспыты на трываласць і шчыльнасць трубаправода і абсталявання другога контуру.

— Высокая гатоўнасць блока дазволіла нам выканаць «гарачую» гідраўліку трубаправодаў і абсталявання першага контуру на падэтапе А-1 (выпрабаванне і апрабаванне абсталявання) этапнай праграмы перадпускавых наладачных работ энергаблока № 1 практычна на адным дыханні, — зазначыў Віталь ПАЛЯНІН, віцэ-прэзідэнт — дырэктар праекта па стварэнні Беларускай АЭС інжынірынгавай кампаніі АСЭ. — Выпрабаванні занялі крыху больш за суткі.

Беларуская АЭС з двума рэактарамі магутнасцю 2400 МВт будуецца па расійскім праекце пакалення 3+, які цалкам адпавядае міжнародным нормам бяспекі і рэкамендацыям Міжнароднага агенцтва па атамнай энергетыцы (МАГАТЭ).

Ірына СІДАРОК

Загаловак у газеце: «Гарачая» гідраўліка трубаправода АЭС

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».