Вы тут

У Гомелі афіцыйна было зарэгістравана звыш 4,5 тысячы сабак і 2,6 тысячы катоў


На пачатак года ў Гомелі афіцыйна было зарэгістравана звыш 4,5 тысячы сабак і 2,6 тысячы катоў. Кожны з іх уладальнікаў падчас рэгістрацыі ў сваіх ЖЭУ і РЭУ быў азнаёмлены з санітарнымі, ветэрынарнымі правіламі ўтрымання хатніх жывёл і атрымаў на свайго чатырохногага сябра адпаведны жэтон і пасведчанне.


prava-potrebitela.ru

Намеснік начальніка жыллёвага аддзела КВУП «Гомельская гарадская ЖКГ» Наталля Быркова кажа, што для забеспячэння поўнага ўліку хатніх жывёл, якія жывуць у шматкватэрных дамах, жыллёва-эксплуатацыйнымі арганізацыямі штомесяц праводзяцца рэйдавыя праверкі:

— Летась спецыялістамі КЖРЭУП чатырох раёнаў Гомеля было праведзена амаль 400 праверак па выяўленні незарэгістраваных сабак і катоў. Таксама ўладальнікі патэнцыйна небяспечных парод павінны прад'явіць даведкі пра іх навучанне. Мы звяртаем увагу і на факты выгулу сабак, якія не адпавядаюць правілам утрымання. Па выніках праверак выдадзена амаль 2 тысячы прадпісанняў і складзена 400 пратаколаў аб адміністрацыйных правапарушэннях.

Калі вельмі хочацца завесці бультэр'ера ці мастыфа, з сабакам байцовай пароды давядзецца прайсці абавязковае навучанне ў КУП «Спецкамунтранс». Інакш яго не зарэгістрыруюць. У тым выпадку, калі гаспадар не жадае ставіць свайго любімца на ўлік, адмаўляецца выплачваць падатак ці дапускае парушэнне правіл утрымання, яго могуць прыцягнуць да адміністрацыйнай адказнасці.

Дарэчы, у Гомелі існуе толькі пяць спецыяльных пляцовак, дзе гадаванцы могуць добра размяцца. І гэтыя тэрыторыі ствараюцца для трэніровак жывёл, а не як месца, дзе яны спраўляюць натуральныя патрэбы, нагадвае спецыяліст:

— Той, хто завёў сабаку, абавязаны і прыбіраць за ім. Не трэба забываць і пра ланцужок. Для сабак буйных парод абавязковы аксесуар — наморднік. Каб выключыць усялякія непрыемныя сітуацыі, да ашыйніка павінен быць прымацаваны жэтон. Безнаглядныя сабакі і каты, у тым ліку з ашыйнікамі, жэтонамі і ў намордніках, падлягаюць адлову. Пры гэтым абавязковае чыпаванне хатніх жывёл існуючым заканадаўствам не прадугледжана.

Як расказала начальнік фінансавага ўпраўлення Гомельскага гарвыканкама Алена Радчанка, грошы, якія грамадзяне выплачваюць у якасці падатку, збіраюць КЖРЭУПы, потым яны ідуць у гарадскі бюджэт і накіроўваюцца на ўтрыманне КУП «Спецкамунтранс».


Дарэчы, на гэтым тыдні міліцыянеры ўстанавілі асобу гамяльчаніна, які 28 жніўня зайшоў у салон тралейбуса № 20 са стафтэр'ерам без намордніка і з ланцужком, наматаным на ашыйнік.

Калі людзі папрасілі грамадзяніна прытрымаць свайго сабаку, мужчына адрэагаваў неадэкватна. Ён пачаў абражаць пасажыраў і пагражаць ім. Сведкі інцыдэнту звярнуліся ў міліцыю і перадалі праваахоўнікам запісанае відэа.

Супрацоўнікі аддзела ўнутраных спраў адміністрацыі Савецкага раёна Гомеля знайшлі неадэкватнага пасажыра. Высветлілася, што 29-гадовы беспрацоўны гамяльчанін больш чым 30 разоў прыцягваўся да адміністрацыйнай адказнасці, галоўным чынам за парушэнне правіл дарожнага руху і знаходжанне ў грамадскім месцы ў стане алкагольнага ап'янення. Акрамя таго, ён быў асуджаны за згвалтаванне.

Вядома, што суседзі неаднаразова звярталіся да гаспадара стафтэр'ера з просьбай выкарыстоўваць наморднік, але ён ігнараваў просьбы. Як расказаў афіцыйны прадстаўнік УУС Гомельскага аблвыканкама Віталь Прыстромаў, у дачыненні да грамадзяніна за парушэнне правіл утрымання хатніх жывёл складзены адміністрацыйны пратакол.

Трэба памятаць, што паводле артыкула 15.47 «Парушэнне правіл утрымання хатніх і (ці) драпежных жывёл» Кодэкса Рэспублікі Беларусь аб адміністрацыйных правапарушэннях можна атрымаць салідны штраф — ад адной да пятнаццаці базавых велічынь. Калі парушэнне пацягнула прычыненне шкоды здароўю людзей ці маёмасці — ад дзесяці да трыццаці базавых велічынь ці адміністрацыйны арышт.

Ірына АСТАШКЕВІЧ

Загаловак у газеце: Які гаспадар, такі і гадаванец

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.