Вы тут

Уначы ўжо свежа: 8—10 цяпла, а ўдзень па-летняму — плюс 20—25 градусаў


У гэтыя выхадныя ў нас у краіне будзе далёка не холадна, толькі ў некаторых раёнах пройдуць кароткачасовыя дажджы, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У суботу чакаецца сонечнае надвор'е, толькі ў асобных раёнах пройдуць невялікія кароткачасовыя дажджы. Слабы вецер месцамі будзе пераходзіць ва ўмераны. Максімальная тэмпература паветра складзе ад 18 да 24 цяпла, а па паўднёвым усходзе паветра прагрэецца да плюс 25 градусаў.

У нядзелю да нас з поўдня Еўропы прынясе цэлы шэраг атмасферных франтоў. Але на ўсходзе нашай краіны надвор'е ў асноўным будзе вызначаць вобласць павышанага атмасфернага ціску. У цэлым жа значна павялічыцца і воблачнасць. Таму ўначы ў заходніх, а ўдзень і ў цэнтральных раёнах краіны пройдуць кароткачасовыя дажджы, месцамі з навальніцамі. У начныя і ранішнія гадзіны ў нізкіх месцах і паблізу вадаёмаў прагназуецца слабы туман. Сіноптыкі абяцаюць нам умераны заходні вецер, пры навальніцах парывісты. Тэмпература паветра ўначы складзе ад плюс 8 да плюс 15 градусаў, удзень — усё тыя ж 16—23 цяпла, а па ўсходзе яшчэ цяплей — ад плюс 24 да плюс 27 градусаў.

Па папярэдніх прагнозах айчынных сіноптыкаў, у пачатку наступнага тыдня сітуацыя з надвор'ем у нас практычна не зменіцца. Таму ў панядзелак у заходніх і цэнтральных раёнах краіны месцамі захаваюцца кароткачасовыя дажджы, удзень магчымыя навальніцы. Уначы і раніцай у асобных раёнах чакаецца слабы туман. Вецер умераны, пры навальніцах парывісты. Нягледзячы, што верасень, будзе па-летняму цёпла. Тэмпература паветра ўначы складзе плюс 8—15 градусаў, удзень — ад плюс 18 да плюс
25 градусаў, а па паўднёвым усходзе краіны прыгрэе да 27 цяпла.

Сяргей КУРКАЧ

Загаловак у газеце: Дзесьці восень, але наогул — цёпла

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.