Вы тут

У Акадэміі навук - 25% маладых вучоных


Маладыя вучоныя Акадэміі навук ва ўзросце да 35 гадоў складаюць больш за 25% ад агульнай колькасці даследчыкаў.


Пра гэта паведаміў Старшыня Прэзідыума НАН Беларусі Уладзімір ГУСАКОЎ падчас урачыстага мерапрыемства, прысвечанага пачатку новага навучальнага года ў Інстытуце падрыхтоўкі навуковых кадраў.

— Сёння ў НАН Беларусі створаны неабходныя ўмовы для паспяховай навуковай дзейнасці. Усе навучэнцы акадэмічнай магістратуры і аспірантуры, а таксама маладыя навуковыя супрацоўнікі забяспечаны жыллём, штогод праводзяцца розныя спартыўныя і культурна-масавыя мерапрыемствы. Апошнім часам значна актывізаваў дзейнасць Савет маладых вучоных, — адзначыў кіраўнік НАН.

Уладзімір Гусакоў паведаміў, што Савет аб'ядноўвае больш за 2500 маладых вучоных Акадэміі навук ва ўзросце да 35 гадоў, што складае звыш 25 % ад агульнай колькасці даследчыкаў. Ён адзначыў, што таленавітая моладзь знаходзіць падтрымку ўсіх сваіх пачынанняў.

— Сёння ў НАН Беларусі ёсць усё неабходнае не толькі для арганізацыі навуковых даследаванняў, але і для атрымання якаснай адукацыі дзякуючы шырокаму выкарыстанню сучасных адукацыйных тэхналогій, развіццю матэрыяльнай базы і інавацыйных праектаў, — заўважыў Уладзімір Гусакоў.

У новым навучальным годзе ў Інстытуце падрыхтоўкі навуковых кадраў НАН Беларусі пачалі вучобу 124 магістранты, якія будуць навучацца па 11 спецыяльнасцях. Усе яны выпускнікі вядучых ВНУ краіны — БДУ, БДУІР, БНТУ, БДЭУ, БДПУ і іншых. Сярод абітурыентаў, якія паступалі сёлета, найбольш запатрабаванымі аказаліся такія спецыяльнасці, як «мастацтвазнаўства», «эканоміка», «фізіка», «біялогія», «хімія». Выпускнікі дзённай бюджэтнай формы навучання падлягаюць размеркаванню і накіроўваюцца пераважна ў навуковыя арганізацыі НАН Беларусі. Навучанне студэнтаў на другой ступені вышэйшай адукацыі ў магістратуры ажыццяўляецца ў Інстытуце падрыхтоўкі навуковых кадраў НАН Беларусі з 2007 года.

Алена КРАВЕЦ

Выбар рэдакцыі

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.