Вы тут

27-гадовы жыхар Гродна незаконна афармляў анлайн-крэдыты


Упраўленне Следчага камітэта па Гродзенскай вобласці расследуе крымінальную справу, якая распачатая ў дачыненні да 27-гадовага Кірыла Л., жыхара Гродна. Малады чалавек падазраецца ў здзяйсненні шэрагу ашуканскіх дзеянняў.


Па даных следства, мужчына звяртаўся з просьбай да знаёмых і не вельмі знаёмых людей даць яму на некалькі хвілін мабільны тэлефон, каб зняць наяўныя грошы нібыта са свайго рахунку, пасля чаго пры дапамозе банкаўскіх мабільных праграм афармляў заяўкі на гэтых людзей (вядома, без іх згоды і ведама), на падставе якіх і выдаваліся анлайн-крэдыты. Пералічаныя сродкі пацярпелыя перадавалі падазраванаму.

У ходзе праверкі атрыманых даных устаноўлена, што на гэты момант ад яго дзеянняў пацярпела больш за  50 чалавек, усе яны — жыхары Гродна і Гродзенскага раёна. Агульны ўрон складае больш як 250 тысяч рублёў.

Высвятленне ўсіх абставін здзяйснення супрацьпраўных дзеянняў працягваецца, праводзяцца неабходныя следчыя дзеянні. Гродзенец знаходзіцца пад вартай. У следства ёсць падставы меркаваць, што падобных фактаў можа быць больш. Таму ў міліцыі нагадваюць пра неабходнасць абароны даных сваіх банкаўскіх картаў, пароляў, іншай значнай інфармацыі. Ды і мабільныя тэлефоны не трэба перадаваць у чужыя рукі.

Канстанцін ЛЮТКЕВІЧ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.