Вы тут

Міхаіл Грышкевіч: Развіццё Кобрыншчыны адчуваецца ва ўсіх сферах


Брэстчына адсвяткавала дажынкі. Завершаны першы этап уборкі ўраджаю. Можна падвесці некаторыя вынікі, абазначыць асобныя кірункі далейшага развіцця аграрнай галіны, крыху зазірнуць у заўтрашні дзень. Гэта мы робім разам са старшынёй Кобрынскага райвыканкама Міхаілам ГРЫШКЕВІЧАМ.


— Вы кіруеце раёнам другі год, Міхаіл Міхайлавіч. Якой вам бачыцца сельская гаспадарка раёна, чаго ўдалося дасягнуць, над чым трэба працаваць?

— Пачнём з таго, што дынамічнае і паступовае развіццё Кобрынскага раёна адчуваецца ва ўсіх сферах народнагаспадарчага комплексу. А сельская гаспадарка з'яўляецца надзвычай важнай галіной у эканоміцы раёна. У сваёй штодзённай рабоце я акцэнтую ўвагу на гэтым кірунку. Прайшла рэарганізацыя шэрагу сельгаспрадпрыемстваў: ААТ «Мінянка» далучылі да «Пакроўскага», ААТ «Кутузаўскі» — да «Любані». Важную ролю, як заўсёды, надаём развіццю матэрыяльна-тэхнічнай базы гаспадарак. Сёння ў раёне вядзецца будаўніцтва буйных малочнатаварных комплексаў ў ААТ «Раданежскае» і ААТ «Батчы». Названае — толькі невялікія штрыхі да вялікай работы, якая праводзіцца ў аграрнай галіне.

Пры гэтым кіраўнікі і спецыялісты займаюцца ўдасканаленнем кармавой базы, сістэмы ўтрымання і кармлення жывёлы, ад якой цалкам залежаць прывагі і надоі. У земляробстве працуем над укараненнем новых відаў раслін з улікам кліматычных асаблівасцяў. І вядома, пры гэтым клапоцімся пра павышэнне заробкаў аграрыяў.

— У гаспадарках раёна завершана ўборка збожжавых і зернебабовых. Якімі асаблівасцямі вызначыўся гэты год, якіх вынікаў дасягнулі земляробы?

— Прырода, як вядома, у гэтым сезоне не раз выпрабоўвала хлебаробаў на трываласць, асабліва анамальнай засухай. Але, нягледзячы на экстрэмальныя ўмовы, мы атрымалі добры ўраджай збожжа. Сёлетні намалот у засеках раёна без уліку кукурузы, грэчкі, проса большы за леташні на 25 тысяч тон. Самая высокая ўраджайнасць атрымана ў ААТ «Агра-Кобрынскае» — 71,1 цэнтнера з гектара, у ААТ «Пакроўскі» — 45,6. Ды і ў цэлым па раёне ўраджайнасць на чатыры цэнтнеры з гектара перасягнула леташнюю.

Як паказвае аналіз, ключавую ролю ў атрыманні высокіх ураджаяў адыгрывае дыктатура тэхналогіі, якая прадугледжвае высокую культуру земляробства і дысцыпліну кадраў на кожным асобна ўзятым участку. Варта адзначыць, што ў Кобрынскім раёне калектывы цэлага шэрага сельгаспрадпрыемстваў працуюць цікава, плённа і здольныя вытрымліваць напружаную канкурэнцыю. А сёння, напярэдадні раённых дажынак, хочацца выказаць словы вялікай падзякі і хлебаробам, і работнікам перапрацоўчай галіны раёна за руплівую і напружаную працу, за любоў і пашану да роднай зямлі.

— Заўсёды ў кантэксце размовы пра развіццё сельскай гаспадаркі гаворка заходзіць пра кіраўнікоў гаспадарак, якія нясуць асаблівую адказнасць. Што можна сказаць у гэтым кірунку, на кім трымаецца сельская гаспадарка раёна?

— Аўтарытэт кожнага кіраўніка вымяраецца прадпрымальнасцю, своечасовым і эфектыўным пошукам рэзерваў і магчымасцяў, уменнем арганізаваць калектыў на дасягненне пастаўленых задач. Працаваць у гэтым кірунку імкнуцца ўсе нашы кіраўнікі без выключэння. Імі ўзяты курс на ўкараненне высокаэфектыўных тэхналогій у раслінаводстве і жывёлагадоўлі, зніжэнне выдаткаў на вытворчасць прадукцыі, укараненне энергазберагальных тэхналогій. Асновай акрэсленай дзейнасці былі і застаюцца прафесійныя і нацэленыя на вынік кадры. На іх мы ўскладаем вялікія надзеі ў павышэнні эфектыўнасці работы сельскагаспадарчых прадпрыемстваў.

Варта сказаць, што існуе праблема забеспячэння аграпрамысловага комплексу раёна кваліфікаванымі кадрамі. У сельгаспрадпрыемствах раёна апошнім часам стабільна ёсць вакансіі. Над іх запаўненнем працуюць аддзелы кадраў і кіраўнікі.

У гэтым годзе, напрыклад, да работы ў сельгасарганізацыях прыступілі 45 маладых спецыялістаў. Гэта кадры, на якія мы разлічваем і якім дапамагаем замацавацца ў нашых гаспадарках. Спадзяёмся, што яны палюбяць сваю работу. Зямля не церпіць выпадковых людзей — толькі за шчырую адданасць яна шчодра дзякуе багатым ураджаем.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.