Вы тут

Анлайн-курс па прадухіленні кібербулінгу арганізуе Інстытут ЮНЕСКА


Установа "Лабараторыя інавацыйных праектаў" сумесна з Інстытутам ЮНЕСКА па інфармацыйных тэхналогіях у адукацыі запрашаюць на анлайн-курс “Як прадухіліць гвалт і кібербулінг у адукацыйных установах”.


Навучанне пройдзе ў перыяд з 30 верасня па 27 кастрычніка 2019 года на Міжнароднай платформе анлайн-курсаў EDU-HUB. Аб'ём курса складае 72 акадэмічныя гадзіны. Навучанне будзе праходзіць у зручны час, матэрыялы курса даступныя кругласутачна. Пасля заканчэння курса выпускнікі атрымаюць электронны сертыфікат. Навучанне бясплатнае.

За аснову курса ўзяты дапаможнік ЮНЕСКА “Прадухіленне гвалту ў адукацыйных установах”, выдадзены ў 2015 годзе па выніках працы групы міжнародных экспертаў.

Чаму нельга ігнараваць кібербулінг, сучаснае разуменне феномену гвалту, партнёрства адукацыйных устаноў з іншымі арганізацыямі для падтрымання пазітыўнага клімату ў калектыве і аказання дапамогі ўдзельнікам канфліктных сітуацый… Навучальны курс накіраваны на прафілактыку гвалту праз глыбокае разуменне праблемы і выпрацоўку эфектыўных мер для аператыўнага рэагавання і прадухілення такіх з’яў у адукацыйнай установе. Асноўная мэтавая аўдыторыя курса — адміністрацыя школ, спецыялісты органаў кіравання адукацыяй, педагогі  псіхолагі, бацькі.

 У працэсе навучання ўдзельнікі анлайн-курса акрамя вывучэння тэкставых і відэаматэрыялаў выконваюць практыкум, які ўключае выкананне практыкаванняў у тым ліку з удзелам дзяцей-падлеткаў. Затым адбываецца абмеркаванне яго  вынікаў з калегамі на анлайн-курсе.  

Для ўдзелу ў навучальным курсе дыстанцыйнага навучання неабходна не пазней за 30 верасня 2019 года:

  • 1. Стварыць уліковы запіс на EDU-HUB па спасылцы: http://learning.e-edu.org/login/signup.php?
  • 2. Пацвердзіць электронны адрас. Неабходна знайсці ліст ад платформы у сваёй  электроннай паштовай скрыні і пацвердзіць рэгістрацыю, націснуўшы на актыўную спасылку ў лісце.
  • 3. Увайсці на платформу. Пасля пацвярджэння адрасу вы зможаце ўвайсці на EDU-HUB і ўдзельнічаць у навучанні на любым з курсаў. Спасылка для ўваходу.
  • 4. Зарэгістравацца на курс. Прамая спасылка. Пасля ўваходу на курс вы атрымаеце аўтаматычны прывітальны ліст з інструкцыямі па далейшых дзеяннях. Для канчатковага залічэння на курс неабходна прадставіцца на форуме “Давайце знаёміцца”, які адкрыецца ў першы дзень правядзення курсу.

Вы таксама можаце выкарыстоўваць мабільную праграму Moodle для навучання на курсе. Доступ да курса ў мабільным дадатку: www.learning.e-edu.org. Спампаваць праграму можна па спасылцы.

Анлайн- курс без суправаджэння навучання аб’ёмам 36 акадэмічных гадзін будзе праходзіць на платформе анлайн курсаў Stepik. Навучанне на ім таксама бясплатнае.

Надзея НІКАЛАЕВА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.