22 кастрычніка, чацвер

Вы тут

Рэспубліканскі фестываль народнага гумару ў Аўцюках пройдзе 13—14 верасня


13—14 верасня склікае гасцей і ўдзельнікаў, аматараў смеху з прычыны трапных жартаў і прыхільнікаў народных спеваў і танцаў 9-ы Рэспубліканскі фестываль народнага гумару ў Аўцюках. Распачаўся ён з лёгкай рукі тутэйшага ўраджэнца, вядомага пісьменніка Уладзіміра Ліпскага яшчэ ў 1995-м — пасля выдання кнігі «Аўцюкоўцы», і з таго часу палюбіўся і аматарскім ды прафесійным калектывам, і гледачам розных узростаў.


Кожны раз у праграме вялікага свята, якое праводзяць Міністэрства культуры, Гомельскі аблвыканкам і Калінкавіцкі райвыканкам, з'яўляюцца нейкія сюрпрызы — то арганізатары зладзяць уласныя «Алімпійскія аўцюкоўскія гульні», то абвесцяць пошук «Міс Аўцюкі» (абодва мерапрыемствы, дарэчы, пройдуць і сёлета). Разынкай жа фестывалю 2019 года абяцае стаць адкрыццё ў Калінкавіцкім раёне, дакладней, на шляху паміж Вялікімі і Малымі Аўцюкамі, памятнага знака «Аўцюкоўскі глобус».

13 верасня музычна-гумарыстычныя канцэрты пройдуць у розных населеных пунктах раёна: Вялікіх і Малых Аўцюках, Каплічах, Даманавічах, Бабровічах, Юравічах. А на наступны дзень ужо ў райцэнтры адбудзецца конкурс гумарыстаў «Як без вас жылі, раскажам, не пачуеце — пакажам». Будуць працаваць выстаўка стылізаванай аўтамотатэхнікі «Аўцюкоўскія драндулеты» і адмысловая «Фотасушка» ад газеты «Калінкавіцкія навіны», адбудзецца прэзентацыя турыстычных маршрутаў «Добра там, дзе нас няма», чакаюць наведвальнікаў імправізаваныя падворкі ўсіх сельсаветаў раёна, «Горад майстроў» і пляцоўка рамеснікаў, дзіцячая пляцоўка «Аўцюкоўскі ералаш». Упершыню для ўсіх ахвотных арганізуюць конкурс на найлепшае фота — «Гумар у фармаце сэлфі» і забаўны відэаролік — «Дзе мы не былі».

Уваход на фэст, як і раней, вольны, аднак «Аўцюкоўская мытня» традыцыйна патрабуе ў якасці білета арыгінальную прыпеўку ці анекдот, пажадана без «барады».

Вікторыя ЗАХАРАВА

Загаловак у газеце: Да Каласка і Калінкі

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.