Вы тут

ЗША гатовы выдаваць візы жыхарам пацярпелых ад урагану Багамскіх астравоў


ЗША гатовыя ў экстраным парадку выдаваць візы для пацярпелых ад урагану "Дарыян" грамадзян Багамскіх астравоў, якія хочуць эвакуіравацца ў ЗША, паведамляе ria.ru са спасылкай на заяву амерыканскае міністэрства ўнутранай бяспекі.


"Пасольства ЗША ў Насау адкрыта для экстраных візітаў з нагоды віз, а памежныя пункты Мытна-памежнай службы ЗША падрыхтоўваюцца да сітуацыі, у якой жыхары Багам папросяць аб часовым пераездзе ў Злучаныя Штаты", - гаворыцца ў паведамленні міністэрства.

Пры гэтым ЗША не адмяняюць візавы рэжым і ад усіх, хто прыязджае, будуць патрабаваць дзеючы пашпарт і амерыканскую візу, удакладняецца ў паведамленні.

"Кіраўнікі пагранічных пунктаў могуць вырашаць па сваім меркаванні і будуць разглядаць усе экстраныя акалічнасці ў кожным канкрэтным выпадку на падставе ўсіх існуючых законаў і нормаў", - удакладнілі ў міністэрстве.

Міністэрства ўнутранай бяспекі таксама рэкамендавала каардынаваць любую эвакуацыю з Багамскіх астравоў на амерыканскую тэрыторыю з уладамі дзвюх краін. У міністэрстве запэўнілі, што амерыканскі Чырвоны крыж і дабрачынная арганізацыя Войска Выратавання працягнуць дапамагаць багамцам, якія хочуць пераехаць у ЗША.

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.