Вы тут

Лукашэнка прывёў адносіны Беларусі і Расіі ў прыклад іншым краінам


Прэзідэнт абмеркаваў двухбаковыя адносіны краін з сакратаром Савета бяспекі Расіі Мікалаем Патрушавым.


Фота БЕЛТА

У парадку працоўнага дня Аляксандра Лукашэнкі сёння былі дзве сустрэчы. Са старшынёй Мінскага абласнога выканаўчага камітэта Анатолем Ісачанкам Прэзідэнт абмеркаваў пытанні развіцця рэгіёна ў сацыяльнай, будаўнічай сферах. Асабліва спыніліся на дзяржпадтрымцы прамысловасці. Двухбаковыя адносіны ў Саюзнай дзяржаве сталі асноўнай тэмай размовы кіраўніка краіны з сакратаром Савета бяспекі Расіі Мікалаем Патрушавым.

Сустрэчу з Мікалаем Патрушавым Прэзідэнт пачаў з падарунка — дасье аб службе і працы госця ў Беларусі. «Я думаю вам прыемна будзе ўспомніць гэтыя гады. Афіцыйна ўручаю вам ад Камітэта дзяржаўнай бяспекі», — сказаў Аляксандр Лукашэнка.

Шэраг пытанняў сакратар Савета бяспекі Расіі абмяркоўвае са сваім беларускім калегам Станіславам Засем, але тэмы для змястоўнай размовы ёсць і на ўзроўні Прэзідэнта. Актуальнасць дадае і нядаўняя сустрэча прэм’ер-міністраў па распрацоўцы і рэалізацыі дагавора аб Саюзнай дзяржаве. «Мы пытаемся выйсці на тое, на што мы можам на дадзеным этапе выйсці. Але пры гэтым мы з Уладзімірам Уладзіміравічам у Піцеры дакладна адказалі на ўсе пытанні і паставілі задачы ўрадам, у якім кірунку нам тут мае быць рухацца», — падкрэсліў Аляксандр Лукашэнка.

Ён звярнуў увагу, што сродкі масавай інфармацыі (асабліва з Масквы) візіт Мікалая Патрушава падаюць як нейкую надзвычайную рэч. «Ніякай надзвычайшчыны няма. Даўно запланаваны ваш візіт у Беларусь. Я яшчэ раз падкрэсліваю: ён будзе вельмі карысным для далейшага руху ў беларуска-расійскіх адносінах, — звярнуў увагу лідар краіны. — Неглядзячы на шэраг пытанняў, нават чуллівых, дай Бог, каб іншыя дзяржавы мелі такія адносіны адзін з адным, якія маюць сёння Беларусь і Расія».

Мікалай Патрушаў перадаў прывітанне ад Уладзіміра Пуціна і адзначыў, што праца Саветаў бяспекі вядзецца прадуктыўна і так будзе далей. 

«Вы згадалі сустрэчу прэм’ераў. Яны парафіравалі дакумент: гэта і праграма дзеянняў, і 31 дарожная карта. Ніхто не павінен спяшацца», — падкрэсліў сакратар Савета бяспекі Расіі.

Каментарый у тэму

У фокусе ўвагі на сустрэчы Прэзідэнта Беларусі і Мікалая Патрушава былі пытанні стратэгічнай стабільнасці, змяненні ў міжнароднай і рэгіянальнай бяспецы, новыя выклікі і пагрозы, рэакцыя на дзеянні партнёраў у ваеннай сферы. Напрыклад, выхад ЗША з дамовы аб ДРСМД, уплыў гэтага крока на еўрапейскую бяспеку, размяшчэнне ўзбраення ў бліжэйшы час у Польшчы. 

«Мы не збіраемся першымі што-небудзь рабіць, але мы будзем рэагаваць на тыя пагрозы, якія будуць абазначаны. Мы гаварылі, калі казаць пра новыя выклікі і пагрозы, што ў вас прайшла сур’ёзная канферэнцыя, і Прэзідэнт Беларусі Лукашэнка зрабіў вельмі важныя заявы. Мы кансалідуемся, неабходна аб’ядноўваць намаганні ў барацьбе з гэтай пагрозай. І вельмі важна, каб ніводная дзяржава не аказвала падтрымку тэрарыстычным арганізацыям і не выкарыстоўвала гэтыя арганізацыі ў нейкі момант у сваіх інтарэсах», — заключыў Мікалай Патрушаў.

Марыя ДАДАЛКА

Выбар рэдакцыі

Грамадства

Работа па вяртанні імёнаў ахвяр канцлагера Штутгаф не спыняецца

Работа па вяртанні імёнаў ахвяр канцлагера Штутгаф не спыняецца

Імя адбіралі: калі ў рэгістрацыйны барак уваходзіў чалавек, то ўжо з наступных дзвярэй выходзіў нумар.

Жыллё

Як даказаць, што сусед сочыць за вамі, а не за злодзеямі

Як даказаць, што сусед сочыць за вамі, а не за злодзеямі

Падобныя звароты ад фізічных асоб — не рэдкасць.

Грамадства

Якую шкоду могуць прынесці бяскрыўдныя цацкі?

Якую шкоду могуць прынесці бяскрыўдныя цацкі?

У сённяшнім быце немагчыма абысціся без хімічных прадуктаў.

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.