Вы тут

Звесткі перапісу насельніцтва стануць базісам для прыняцця рашэнняў у эканамічнай і сацыяльнай сферах


Звесткі, якія будуць атрыманыя па выніках правядзення маючага адбыцца перапісу насельніцтва, стануць базісам для прыняцця рашэнняў у эканамічнай і сацыяльнай сферах. Пра гэта заявіў на пасяджэнні Прэзідыума Саўміна прэм'ер-міністр Сяргей Румас.


Кіраўнік урада нагадаў, што з 4 да 30 кастрычніка ў Беларусі пройдзе важнае для кожнага жыхара краіны і грамадства ў цэлым мерапрыемства — перапіс насельніцтва. «Атрыманыя па выніках праведзеных апытанняў звесткі стануць базісам для прыняцця рашэнняў у эканамічным і сацыяльным жыцці дзяржавы. На іх аснове ўрад, органы мясцовага самакіравання будуць прымаць рашэнні па фінансаванні сацыяльнай сферы, умацаванні абароназдольнасці і ўкладанні дзяржаўных інвестыцый», — падкрэсліў Сяргей Румас. Таму, дадаў ён, ад таго, наколькі якасна будзе праведзена гэтае мерапрыемства, залежыць у канчатковым выніку правільнасць і дакладнасць атрыманых звестак, а гэта планаванне беларускай эканомікі на найбліжэйшыя 10 гадоў.

Як было адзначана, падрыхтоўка да правядзення перапісу насельніцтва вялася ў краіне на працягу апошніх двух гадоў, актыўна працавала часовая Рэспубліканская камісія па садзейнічанні перапісу пад кіраўніцтвам першага намесніка прэм'ер-міністра Беларусі Аляксандра Турчына. Таму пасяджэнне Прэзідыума, па словах Сяргея Румаса, гэта, па сутнасці, зверка гадзіннікаў. На ім кіраўнік урада папрасіў даць ацэнку гатоўнасці органаў дзяржкіравання (перш за ўсё ў рэгіёнах) да правядзення маючага адбыцца перапісу, а таксама пазначыць праблемы, якія патрабуюць вырашэння.

У прыватнасці, важнай асаблівасцю будучага перапісу з'яўляецца магчымасць для грамадзян прайсці апытанне самастойна праз інтэрнэт, што значна спросціць работу часовага перапіснога персаналу і адначасова дазволіць ахапіць большую колькасць апытаных асоб. Аднак, лічыць прэм'ер, у насельніцтва можа ўзнікнуць шэраг арганізацыйных і тэхнічных пытанняў па праходжанні самога перапісу.

Асобнай увагі, па словах кіраўніка ўрада, заслугоўвае і пытанне бяспекі асоб, якія будуць задзейнічаныя ў якасці часовага перапіснога персаналу.

БелТА

Загаловак у газеце: Перапіс як базіс для эканомікі

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.