Вы тут

Дональд Трамп звольніў Джона Болтана з пасады саветніка па нацбяспецы


Прэзідэнт ЗША Дональд Трамп паведаміў, што звольніў Джона Болтана з пасады свайго дарадцы па нацыянальнай бяспецы, інфармуе ВВС.


Фота unian.net

У сваім "Твітары" Трамп адзначыў, што быў катэгарычна не згодны з многімі меркаваннямі Болтана, як і іншыя супрацоўнікі яго адміністрацыі.

"Я папрасіў Джона пакінуць пасаду, і прыняў яго адстаўку сёння раніцай. Я дзякую Джону за яго працу. Я прызначу новага дарадцу па нацбяспецы на наступным тыдні", - напісаў Трамп.

Сам Болтан напісаў у "Твітары", што прапанаваў прэзідэнту сваю адстаўку напярэдадні вечарам, на што Трамп адказаў яму: "Давай абмяркуем гэта заўтра".

Джон Болтан стаў ужо чацвёртым памочнікам па нацбяспецы, якога звальняе Трамп. Раней у яго адміністрацыі гэтую пасаду займалі С'юзан Райс, Майкл Флін і Герберт МакМастэр.

70-гадовы Болтан быў прызначаны дарадцам прэзідэнта ЗША ў красавіку мінулага года. Да гэтага ён працаваў пастпрэдам ЗША ў ААН і памочнікам дзяржсакратара.

СМІ таксама называлі Болтана адной з самых уплывовых асоб у адміністрацыі Трампа, пры гэтым адзначаючы, што ў прэзідэнта і яго дарадцы часта ўзнікаюць рознагалоссі.

У канцы жніўня Болтан пабываў з візітам у Мінску, стаўшы самым высокапастаўленым амерыканскім чыноўнікам, які наведаў Беларусь у XXI стагоддзі. Перад наведваннем Беларусі Джон Болтан пабываў на Украіне і ў Малдове.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.