Вы тут

Зарэгістраванае беспрацоўе ў Беларусі на 1 верасня склала 0,3%


Узровень зарэгістраванага беспрацоўя на 1 верасня склаў 0,3%, знізіўшыся ў параўнанні з паказчыкам гадавой даўнасці на 0,1 адсоткавага пункта, паведамілі ў Міністэрстве працы і сацыяльнай абароны.


Узровень зарэгістраванага беспрацоўя ў Брэсцкай, Віцебскай, Гродзенскай і Магілёўскай абласцях рэспублікі склаў 0,4 %, у Гомельскай - 0,3 %, Мінскай вобласці - 0,2 працэнта, г. Мiнску - 0,1 %.

На ўліку ў якасці беспрацоўных на 1 верасня 2019 г. было 11,9 тыс. чалавек, што на 26,6 % беспрацоўных менш, чым на 1 верасня 2018 г. (16,3 тыс. чалавек).

Наймальнікамі на 1 верасня 2019 г. заяўлены звесткі аб наяўнасці 90,4 тыс. свабодных працоўных месцаў, што на 17,9 % больш, чым на 1 верасня 2018 г. (76,6 тыс.). Попыт на работнікаў па рабочых прафесіях склаў 65,3 % ад агульнай колькасці вакансій, у адпаведным перыядзе мінулага года - 65 %.

Каэфіцыент напружанасці на рынку працы рэспублікі на 1 верасня 2019 г. склаў 0,1 беспрацоўных на адну вакансію (на 1 верасня 2018 г. - 0,2).

Пры гэтым у Брэсцкай, Віцебскай, Гомельскай і Магілёўскай абласцях гэты паказчык склаў 0,2 беспрацоўных на вакансію, у Гродзенскай і Мінскай абласцях - 0,1 беспрацоўных, у г. Мінску - 0,05 беспрацоўных на вакансію.

У студзені-жніўні 2019 годзе за садзейнічанне ў працаўладкаванні звярнулася 128,6 тыс. чалавек, з якіх пастаўлена на ўлік у якасці беспрацоўных 64,5 тыс. чалавек.

За гэты перыяд на створаныя працоўныя месцы і вакансіі пры садзейнічанні службы занятасці на пастаянную работу працаўладкаваны 96,4 тыс. чалавек (66,3% тых, хто звярнуўся па садзейнічанне), з іх 46,1 тыс. беспрацоўных. На навучанне прафесіям, запатрабаваных на рынку працы, накіраваныя 3,4 тыс. чалавек, у аплатных грамадскіх работах удзельнічалі 24,7 тыс. чалавек, на новае месца жыхарства і работы пераселены 100 сем'яў беспрацоўных.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.