Вы тут

Усходні гараскоп на наступны тыдзень


АВЕН. Самай галоўнай задачай тыдня будзе здабыццё важных дзелавых сувязяў і атрыманне дакладнай інфармацыі. У сераду лепш заняцца завяршэннем няскончаных спраў, асабліва дробных. У чацвер будзе шмат нарад і папяровай работы. У пятніцу не давярайце выпадковым знаёмствам і будзьце асцярожныя пры зносінах з даўно знаёмымі людзьмі, у гэты дзень ёсць верагоднасць разрыву адносін з-за прынцыповасці партнёра.


ЦЯЛЕЦ. На гэтым тыдні вам спатрэбяцца хуткасць прыняцця і ажыццяўлення рашэнняў, унутраны спакой і цягавітасць. Чым больш папрацуеце ў аўторак, тым больш атрымаеце прыбытку. А вось у чацвер лепш не мітусіцца і не пачынаць нічога новага. У пятніцу старайцеся не ціснуць на навакольных, бо яны ў гэты дзень будуць крыўдлівыя і не схільныя выконваць вашы патрабаванні. У суботу не адмаўляйцеся ад запрашэння: магчыма, менавіта сябры дапамогуць слушнай парадай.


БЛІЗНЯТЫ. Вы можаце шмат чаго дасягнуць і атрымаць тое, чаго так даўно хацелі. Усё, што для гэтага трэба, — верыць у сябе і ў поспех. У сярэдзіне тыдня вас можа закруціць віхор цікавых спраў, сяброўскіх сустрэч і любоўных спатканняў. І вы адчуеце паўнату і радасць жыцця.


РАК. Тыдзень будзе спрыяльны для вырашэння прафесійных задач. Вы поўныя сіл і энергіі, а інтуіцыя падказвае выключна правільныя рашэнні. Можаце зрабіць бліскучую кар'еру, калі праявіце мэтанакіраванасць і ўпэўненасць у дасягненні пастаўленых задач. Вашы таленты, у тым ліку дыпламатычнасць, дазваляюць атрымаць неабходную інфармацыю і дамовіцца з патрэбнымі людзьмі.


ЛЕЎ. Паспрабуйце акрэсліць дакладны план на тыдзень. Абараніце сябе ад непатрэбных сустрэч і кантактаў, яны не прынясуць нічога, акрамя расчаравання і пустога марнавання часу. Крытычна паглядзіце на свае ідэі, наколькі яны рэалістычныя і ці магчыма ўвасабленне іх у рэальнае жыццё. Успомніце пра сям'ю і дзяцей, аддайце ім неабходную ўвагу.


ДЗЕВА. Давядзецца шмат працаваць, браць ініцыятыву ў свае рукі. І не чакаць ні пахвалы, ні прэміі. Уважліва вывучайце інфармацыю, якая будзе паступаць да вас на працягу тыдня на рабоце, зрабіце з яе важныя высновы. Галоўнае для вас — гэта не прагледзець сапраўды перспектыўныя справы. У выхадныя не варта хаваць сябе дома, ёсць добры шанц пашырыць кола карысных знаёмстваў.


ШАЛІ. У пачатку тыдня вам, падобна, захочацца задумаць штосьці новае і дамагчыся жаданага самымі экстравагантнымі спосабамі. Не бойцеся рызыкаваць. Толькі не цягніце час, бо другая палова тыдня не схіляе да такіх дзеянняў. Вы зможаце дакладна ўсвядоміць, што перашкаджае вашаму духоўнаму росту і развіццю, гэта дасць магчымасць пачаць карэкцыю негатыўных рыс характару.


СКАРПІЁН. Вас чакае поспех на рабоце і прыемныя перамены ў асабістым жыцці. Вы зможаце стаць лідарам і арганізатарам. Да невялікіх перашкод пастаўцеся па-філасофску, і вы хутка іх пераадолееце, атрымаўшы важны вопыт.


СТРАЛЕЦ. На гэтым тыдні верагодная рэзкая змена дзейнасці. Пры гэтым неабавязковая змена работы, проста з'явіцца іншая тэма ці нават цэлы кірунак. У канцы тыдня замест напружання прыйдзе лёгкасць, у справах адкрыецца другое дыханне. У выхадныя дні могуць раскрыцца таямніцы вашага даўняга мінулага.


КАЗЯРОГ. На гэтым тыдні пажадана заняцца засваеннем чаго-небудзь новага, гэта дазволіць пашырыць кругагляд. Не бойцеся праявіць адкрытасць і прыняць, быць можа, не зусім традыцыйны пункт гледжання. Ні да якіх негатыўных наступстваў гэта не прывядзе, вам будзе лягчэй мець зносіны з самымі рознымі людзьмі. Час адмовіцца ад забабонаў.


ВАДАЛІЎ. Будзеце падсвядома імкнуцца да ўдзелу ў разнастайных авантурах. Невядома, ці будзе гэтая рызыкоўная дзейнасць апраўданая дасягненнем важнай мэты, аднак бура незабыўных перажыванняў гарантаваная. Чаму б і не атрымаць новыя ўражанні? У сярэдзіне тыдня не чакайце выканання ўсіх планаў, некаторыя з іх хоць і рэалізуюцца, але з шэрагам паправак. У чацвер вы будзеце здольныя згладзіць практычна любыя канфліктныя сітуацыі на рабоце. Сямейныя спрэчкі на адцягненыя тэмы ў суботу могуць стацца занадта эмацыянальнымі.


РЫБЫ. У першай палове тыдня вас можа цягнуць на неабдуманыя ўчынкі. Паспрабуйце ўсё ж пазбегнуць рызыкі, яна не апраўдае вашых душэўных і матэрыяльных выдаткаў. Сярэдзіна тыдня пагражае прынесці змены ў асабістым жыцці, прычым не самыя прыемныя. Не спяшайцеся рваць адносіны і збіраць крыўды. А вось на рабоце ваш аўтарытэт умацуецца. У чацвер усе рашэнні варта прымаць самастойна. У суботу зрабіце сабе маленькае свята, у гэты дзень вы зможаце павесяліцца ад душы.

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

«А жанчына так і не прыйшла...», Заяц на чацвярых, Асаблівасці нацыянальнага палявання.

Грамадства

Вясковая робататэхніка

Вясковая робататэхніка

Як у вясковай школе з'явіўся SТEM-цэнтр.

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.