Вайскоўцы Беларусі і Расіі сёння пачнуць здаваць сур'ёзны тэст на боегатоўнасць. У Ніжагародскай вобласці на палігоне паблізу населенага пункта Муліна сёння пачынаюцца вучэнні «Шчыт Саюза — 2019».
Да месца падзей ужо прыбыло прыблізна 4 тысячы ваенных з Беларусі. На час вучэнняў яны будуць жыць ва ўладкаваных палявых лагерах, якія ўяўляюць сабой сучасны ваенны гарадок.
Сярод тэхнікі, адпраўленай на вучэнні, — больш за 30 танкаў, 80 баявых браніраваных машын, каля 50 рэактыўных сістэм залпавага агню і мінамётаў. Паветраны эшалон складуць паўтара дзясятка самалётаў і верталётаў.
Кіраваць вучэннямі будуць ад Беларусі першы намеснік міністра абароны генерал-маёр Алег Белаконеў, а ад Расіі — камандуючы войскамі Заходняй ваеннай акругі Узброеных Сіл Аляксандр Жураўлёў.
Нагадаем, што падобныя вучэнні праводзяцца раз на два гады па чарзе на тэрыторыі Беларусі і Расіі. Легенда вучэння распрацавана з улікам аналізу магчымых варыянтаў узнікнення ваеннай пагрозы Саюзнай дзяржаве і разгортвання ваеннага канфлікту.
Валяр'ян ШКЛЕННІК
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».