Вы тут

Творчая група падрыхтавала прэм'еру міні-серыяла «Вясковы раманс»


Прэм'еру 4-серыйнага міні-серыяла «Вясковы раманс» у папулярным жанры дакудрамы падрыхтавала да новага сезона творчая група праекта «Сямейныя гісторыі». Першую серыю тэлеканал Беларусь 2 пакажа 17 верасня.


«Вясковы раманс» перанясе гледачоў у Вілейку — у выдуманую вёску Зарэчча, дзе жывуць галоўныя героі Іван і Марыя Зарэцкія (іх сыгралі, дарэчы, таксама муж і жонка Андрэй і Марыя Дударчык, вядомыя на Вілейшчыне як кіраўнікі народнага ансамбля «Вялея казацкая» і хору «Любанія», а таксама ўдзельнікі народнага тэатра). Сярод іншых звычайных жыхароў незвычайнай вёскі — мясцовы балака Казімір Кастравіцкі (акцёр Мінскага абласнога драматычнага тэатра Аляксей Карпец), «прыезджыя» суседзі — генерал у адстаўцы Міхаіл Ягораў і ягоная верная жонка Алена Фёдараўна (акцёры Валерый Чэчулін і Надзея Пацалуева). Адметнасць серыяла ў тым, што кожны яго эпізод — асобная завершаная гісторыя, а значыць, пачынаць знаёмства з праектам можна з любой серыі: шаноўнай публіцы абяцаныя прыгоды, пераўвасабленні, крыху містыкі, купальскія карагоды і абавязкова хэпі-энд.

У будучым, гавораць на Беларусь 2, менавіта на базе «Сямейных гісторый» плануецца развіваць уласную серыяльную вытворчасць. А пакуль што даведвацца пра навіны праекта можна на сайце тэлеканала belarus2.by і афіцыйных старонках у сацсетках.

Вікторыя ЗАХАРАВА

Загаловак у газеце: Кінавёска і яе жыхары

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».