Анатоль Васерман прыме ўдзел у I Міжнародным турніры па інтэлектуальных гульнях "Кубак Наваполацка - 2019", паведаміў БЕЛТА старшыня інтэлектуальнага клуба Цэнтра культуры "Віцебск" Аляксей Галкін.
Турнір пройдзе 14-15 верасня. "Зарэгістраваліся каманды з Беларусі, Расіі і Латвіі. Свой удзел у турніры пацвердзіў знакаміты эрудыт Анатоль Васерман", - сказаў Аляксей Галкін.
Спаборнічаць каманды будуць у трох заліках: агульным, сярод працоўных калектываў і ўстаноў (усе гульцы каманды павінны быць прадстаўнікамі адной арганізацыі) і студэнцкім (усе гульцы каманды павінны быць народжаны не раней чым 1 верасня 1996 года).
Пераможца турніру, а таксама найлепшая беларуская каманда па выніках агульнага заліку атрымаюць гарантаваныя квоты на ўдзел у міжнародным турніры "Славянка-2020", які пройдзе 25-26 студзеня 2020 года ў Полацку.
Праграма турніру ўключае спартыўную гульню "Што? Дзе? Калі?", камандную "Сваю гульню" і камандную кнопкавую гульню "Хамса" (для 16 найлепшых каманд па выніках каманднай "Сваёй гульні"). Плануецца і дадатковая гульнявая праграма. Удзельнікаў чакае бонус - пешаходная экскурсія па Наваполацку.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.