Вы тут

Рэканструяваны ЗАГС адкрыўся ў Першамайскім раёне сталіцы


Усё пачынаецца з кахання... Гэтыя словы сталі галоўнай думкай і адлюстраваннем свята ўрачыстага адкрыцця будынка, плошча якога пасля аднаўлення павялічылася ўдвая. За 50 гадоў тут зарэгістравалі больш як 116 тысяч нараджэнняў і звыш за 58 тысяч шлюбаў.


Святочнае мерапрыемства сталася падарункам не толькі жыхарам Першамайскага раёна, але і ўсяму Мінску і нават краіне, заўважыў міністр юстыцыі Беларусі Алег Сліжэўскі падчас урачыстага адкрыцця ЗАГСа і выказаў спадзяванне, што прыгожы будынак стане папулярным у маладажонаў:

— Гэта не проста памяшканне, дзе працуюць людзі. З дзейнасцю ЗАГСаў звязаны знакавыя з’явы жыцця: шлюб, рэгістрацыя нараджэння дзяцей, святкаванне юбілеяў...

Пачэсныя госці выпусцілі ў неба белых галубоў, якія сімвалізуюць сабой мір, спакой і каханне ў знак таго, каб у адноўленых памяшканнях адбывалася яшчэ больш святаў, і па традыцыі перарэзалі чырвоную стужку.

Сімвалічны ключ ад будынка начальніку аддзела ЗАГС Мінска Юліі Вінаградавай уручыў кіраўнік адміністрацыі Першамайскага раёна Ігар Кудрэвіч.

— Сённяшняе мерапрыемства асабліва знакавае, бо праходзіць у дзень нараджэння сталіцы і ў год, калі Першамайскаму раёну спаўняецца 50 гадоў, — падкрэсліў ён.

Пачэсным гасцям правялі экскурсію па ўрачыстых залах ЗАГСа, зазірнулі яны і ў «музычную гасцёўню», а ўжо пасля абеду тут адбылася першая пасля перапынку на рамонт рэгістрацыя шлюбу.

Ірына СІДАРОК

Фота аўтара

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.