Вы тут

Авіяцыя МНС ліквідуе пажар на Століншчыне


Па стане на 8 гадзін раніцы работы па тушэнні працягваліся, вядзецца авіяцыйны маніторынг сітуацыі, паведамілі ў МНС.


14 верасня ўдзень столінскім ратавальнікам паступіла паведамленне пра тое, што ў лясным масіве каля вёскі Альманы каля ўрочышча “Копішча” назіраецца дым.

Інфармацыя была перададзена для праверкі з назіральнай вышкі работнікамі Палескага лясгаса. Яна пацвердзілася: назіралася задымленне ў лясным масіве, які належыць Рубельскаму лясніцтву Палескага лясгаса, які знаходзіцца ў 10 кіламетрах на ўсход ад вёскі Альманы Столінскага раёна.

У ходзе маніторынгу авіяцыяй МНС устаноўлена, што гарыць трава і хмызняк у балоцістай мясцовасці з развіццём пажару на ўсход. Для правядзення работ па тушэнні да месца пажару вылецелі верталёты Мі-8 і Мі-26 МНС, якімі праведзена 12 скідванняў вады. Да месца пажару былі накіраваны сілы і сродкі Палескага лясгаса і Столінскага раённага аддзела МНС. Наземнае тушэнне абцяжарана адсутнасцю пад'язных шляхоў і забалочанай мясцовасцю. Плошча, пройдзеная фронтам пажару, складае прыкладна 75 гектараў.

Усяго, паводле інфармацыі МНС, за суткі ў прыродных экасістэмах ліквідаваны шэсць тарфяных, тры лясных і пяць пажараў травы і кустоў.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».