Сельскім настаўнікам павысяць тарыфныя стаўкі на 20 %

 Адпаведнае рашэнне замацавана ў пастанове Савета міністраў ад 18 верасня № 630

Беларускі ўрад працягвае працаваць над павышэннем аплаты працы некаторых катэгорый бюджэтнікаў. Чарговае павышэнне заробкаў закране сельскіх педагогаў.

Згодна з рашэннем Саўміна ад 18 верасня № 630, тарыфныя стаўкі (аклады) будуць павялічаны на 20% тым педагогам, якія працуюць ва ўстановах адукацыі па-за сельскай мясцовасці, але пры гэтым іх працоўнае месца размешчана ў сельскай мясцовасці. Таксама павышаюцца аклады і ў супрацоўнікаў устаноў, якія знаходзяцца ў сельскай мясцовасці.  На 20 % павысяцца аклады і ў прыёмных бацькоў, а таксама бацькоў-выхавальнікаў, у якіх працоўнае месца размешчана ў сельскай мясцовасці.

Павышэнне тарыфных ставак распаўсюджваецца на адносіны, якія ўзніклі з 1 верасня гэтага года. Дакумент будзе дзейнічаць да канца бягучага каляндярнага года.

Надзея НІКАЛАЕВА