Вы тут

Сіноптыкі абяцаюць, што паветра прагрэецца яшчэ да плюс 20


У пачатку гэтага тыдня на тэрыторыю нашай краіны завіталі атмасферныя франты і сапраўды халодныя паветраныя масы, якія паступілі з паўночнага захаду Еўропы. Увесь гэты час было няўстойлівае надвор'е з тэмпературным фонам на 1—4 градусы ніжэй за кліматычную норму. Сярэдзіна верасня і такі халодны сюрпрыз.


А вось і не адгадалі тыя, хто загадзя пачаў хаваць лёгкія летнія рэчы. Яны яшчэ спатрэбяцца, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Вось і ў суботу будзе не самы камфортны дзень, справа ў тым, што ўначы надвор'е ў асноўным будзе фарміраваць вобласць павышанага атмасфернага ціску, раніцай і ўдзень адаб'ецца ўплыў франтальнага раздзелу, які ссоўваецца з Балтыйскага мора. Уначы па паўночным захадзе, а ўдзень на большай частцы тэрыторыі краіны чакаюцца кароткачасовыя дажджы. Тэмпература паветра ўначы складзе 1—6 цяпла, у многіх раёнах на глебе і месцамі ў паветры чакаюцца замаразкі ад нуля да мінус 3 градусаў. Удзень будзе ад плюс 7 градусаў па паўночным усходзе да 17 цяпла па паўднёвым захадзе краіны.

Паляпшацца ўмовы надвор'я пачнуць у нядзелю. Тэмпература паветра ўначы — 3—10 цяпла, удзень — ад плюс 10 да плюс 17 градусаў, па захадзе краіны паветра прагрэецца да 20 цяпла.

Па папярэдніх прагнозах айчынных сіноптыкаў, у панядзелак надвор'е ў асноўным будзе фарміраваць вобласць павышанага атмасфернага ціску. Тэмпература паветра ўдзень у асноўным складзе 8—15 градусаў цяпла, па паўднёвым захадзе паветра прагрэецца ад плюс 16 градусаў да плюс 20 градусаў. Так значна лепш.

Сяргей КУРКАЧ

Загаловак у газеце: Не спяшайся, восень...

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.