Вы тут

Слаўная кампанія: рэANIMAцыя, ІІ тур


Слаўная кампанія: рэANIMAцыя, ІІ тур

Фінал хутка!

ІІ тур конкурса біяграфічных твораў «Слаўная кампанія: рэANIMAцыя», прысвечаных беларускім пісьменнікам ХІХ стагоддзя, завяршае збор твораў 31 кастрычніка. Часу застаецца не так і шмат, але і не так ужо мала. Застаецца пераглядзець, перачытаць, перапісаць, пераправерыць, пераадолець, перастварыць. Пераадолець апошнія страхі-сумненні, каб адчуць у сабе сілы перастварыць біяграфію слаўнага чалавека мінуўшчыны.

Нагадаем, што на адрас арганізатараў паступілі 32 заяўкі. Узрост удзельнікаў — ад 14 да 61 года. Школьніца, аспірант, маладая мама, прадстаўнікі навукова-даследчыцкай, культурнай і сацыяльнай сфер, перакладчыкі, журналісты, рэдактары друкаваных СМІ і інтэрнет-рэсурсаў, выкладчыкі, студэнты-філолагі, студэнты-гісторыкі, студэнты-юрысты. Слаўная кампанія, іншымі словамі. Пра Кастуся Каліноўскага пішуць пяць канкурсантаў, пра Франца Савіча — чатыры, па тры ўдзельнікі задзейнічаны ў стварэнні жыццяпісаў Войслава Савіч-Заблоцкага, Уладзіслава Сыракомлі, Адама Гурыновіча, Элізы Ажэшкі і Зофьі Манькоўскай; па двое адначасова выводзяць мастацкія біяграфіі Вінцэся Каратынскага, Альгерда Абуховіча і Францішка Багушэвіча, зусім без “канкурэнтаў” працуюць тыя, хто ўзяўся за вывучэнне лёсаў Вінцэнта Дуніна-Марцінкевіча і Арцёма Вярыгі-Дарэўскага.

Паколькі конкурс праводзіцца пад патранатам арганізатараў — кафедры тэарэтычнага і славянскага літаратуразнаўства філалагічнага факультэта БДУ і рэдакцыі часопіса «Маладосць», — некаторыя ўдзельнікі выкарысталі сваё права выслаць твор для папярэдняга прачытання і атрымалі карысныя заўвагі і прапановы.

Арганізатары нагадваюць пра важнасць конкурса для нашай краіны і настройваюць на сур’ёзную, адказную працу кожнага, хто адчуў у сабе моц яе здзейсніць, жадаюць канкурсантам цярпення і ўпартасці, патрабавальнасці да сябе і ўважлівасці да крыніц, невычэрпнага натхнення і веры ў поспех.

 

 

 

Выбар рэдакцыі

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.