Вы тут

Дэзінфекцыя пад рукой


У Кітаі стварылі недарагую ручную сістэму абеззаражвання вады.


Міжнародная група даследчыкаў стварыла недарагую ручную сістэму абеззаражвання вады з трыбаэлектрычным нанагенератарам (TENG), перадае «Жэньмінь жыбаа» анлайн».

Новая ўстаноўка, якая прыводзіцца ў дзеянне рукамі, адрозніваецца эканамічнасцю. У яе распрацоўцы ўдзельнічалі навуковыя супрацоўнікі з шэрагу устаноў, уключаючы ўніверсітэт Цінхуа (Пекін), Пекінскі інстытут нанаэнергетыкі і нанасістэм Акадэміі навук Кітая і Тэхналагічны інстытут Джорджыі (ЗША).

Як адзначаюць спецыялісты, абеззаражванне вады мае вялікае сацыяльнае і эканамічнае значэнне, асабліва ў сельскіх раёнах або ў зонах стыхійных бедстваў. У мэтах эканоміі электраэнергіі эксперты распрацавалі сістэму, якая складаецца з трох функцыянальных частак, уключаючы прыладу дэзінфекцыі, дыскавы TENG у якасці крыніцы сілкавання і вадзяную помпу.

Першы ў свеце TENG быў распрацаваны ў 2012 годзе. Новая тэхніка здольная пераўтварыць розную механічную энергію, якая існуе ў навакольным асяроддзі, у электрычнасць дзякуючы спалучэнню трыбаэлектрычнага эфекту з электрастатычнай індукцыяй.

Згодна з артыкулам, апублікаваным у навуковым часопісе Advanced Energy Materials, дзякуючы інтэграванай канструкцыі, сістэма можа эфектыўна чысціць ваду толькі пры дапамозе ручнога прывада. Даследчыкі заявілі, што кошт сістэмы абеззаражвання вады складае толькі 10 долараў пры двухгадовай эксплуатацыі. Такім чынам, сістэма можа забяспечваць універсальнае і рэнтабельнае рашэнне для падачы і абеззаражвання вады ў месцах яе выкарыстання. 

Згодна з дакладам, апублікаваным Сусветнай арганізацыі аховы здароўя ў 2017 годзе, кожны дзявяты чалавек у свеце не мае прамога доступу да чыстай вады з-за забруджвання патагеннымі мікраарганізмамі.

Выбар рэдакцыі

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску. 

Грамадства

Як у Магілёве, Баранавічах і Чавусах рэалізуецца праект камунальнага кіравання ў гарадах

Як у Магілёве, Баранавічах і Чавусах рэалізуецца праект камунальнага кіравання ў гарадах

Мэта праекта — на прыкладзе трох беларускіх гарадоў паказаць, як можна палепшыць сістэму кіравання гарадской гаспадаркай.

Грамадства

Азбука прафесій: балерына Таццяна Уласень пра кар'еру і сям'ю

Азбука прафесій: балерына Таццяна Уласень пра кар'еру і сям'ю

Разам з 9-гадовай дачкой раскрывае сакрэты.