Лабараторыя інавацыйных праектаў запрашае прыняць удзел у варкшопе “Як ствараць і падтрымліваць камфортнае школьнае асяроддзе”, які адбудзецца 26 верасня ў Мінску з 15.00 да 18.00.
Падчас мерапрыемства ўдзельнікі вызначаць крытэрыі камфортнага школьнага асяроддзя, пазнаёмяцца з адным з інструментаў “замеру” спрыяльнага школьнага асяроддзя, абмяркуюць відэаролік “Перамагчы здзекі ў школе. Першы крок”, даведаюцца пра падыходы Савета Еўропы ў пытаннях падтрымання камфортнага школьнага асяроддзя, а таксама пра магчымасць навучання на курсах “Як прадухіліць гвалт і кібербулінг у адукацыйных установах” на анлайн-платформах EDU-HUB і Stepik (створаны пры падтрымцы Інстытута ЮНЕСКА па інфармацыйных тэхналогіях у адукацыі).
Таксама ўвазе ўдзельнікаў будуць папанаваныя некалькі кейсаў для праверкі ўласных кампетэнцый ў галіне стварэння і падтрымання камфортнага асяроддзя ў школе.
Для забеспячэння доступу да матэрыялаў варкшопа ўсіх ахвотных 27 верасня з 12.00 да 13.30 будзе арганізаваны вебінар, дзе арганізатары прадставяць матэрыялы, якія абмяркоўваліся падчас варкшопа.
Рэгістрацыя на варкшоп і вебінар па спасылцы.
Надзея НІКАЛАЕВА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.