Вы тут

У Беларусі плануецца адкрыццё 4 крам duty free на ўездзе ў краіну


Пра гэта паведаміў журналістам першы намеснік прэм'ер-міністра Аляксандр Турчын пасля нарады па пытанню функцыянавання магазінаў бяспошліннага гандлю.


Аляксандр Турчын патлумачыў, што размова ідзе пра крамы, якія знаходзяцца  на тэрыторыі  зоны мытнага кантролю. «Гэта значыць, што сёння чалавек, які купіў тавары ў гэтым магазіне, яшчэ будзе дагледжаны мытнікамі, – дадаў першы віцэ-прэм'ер. – Сёння пакупкі ў гэтых магазінах усё роўна будуць у рамках тых нормаў, якія  дзейнічаюць на тэрыторыі ЕАЭС».

Асноўныя тавары, якія прадаюцца ў магазінах duty free – алкаголь, цыгарыты і парфумерыя.  Абмежаванні, якія сёння вызначаны Дзяржаўным мытным камітэтам для бязмытнага ўвозу і вывазу тавараў – тры літры алкаголю на чалавека, блок (200) цыгарэт.

«Падаткі, якія  ўплачваюць такія магазіны, ідуць у бюджэт. Мы даем чалавеку права выбару: купіць гэтыя тавары на тэрыторыі сумежных дзяржаў, і адпаведна ад гэтага ні бюджэт, ні суб'екты гаспадарання  не атрымаюць нічога, або ўсё ж такі прагаласаваць рублём у гэтых крамах, пакінуць валютную выручку, і нашы суб'екты заплацяць падаткі ў бюджэт. Таму рашэнне падтрымана, і ўрад разам з Упраўленнем справамі Прэзідэнта у бліжэйшы час унясе на разгляд кіраўніка дзяржавы адпаведны праект распараджэння», – рэзюмаваў Аляксандр Турчын.

Дакументы забяспечаць адкрыццё яшчэ чатырох магазінаў duty free на аўтамабільных пунктах перасячэння дзяржаўнай мяжы. Пакуль для наземных вандроўнікаў працуе толькі адзін такі магазін.

Вольга МЯДЗВЕДЗЕВА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.