Вы тут

Восеньскі футбол на падыходзе


Галоўны трэнер футбольнай зборнай Беларусі Міхаіл Мархель назваў склад на кастрычніцкія матчы адборачнага турніру чэмпіянату Еўропы-2020.


7 кастрычніка каманда збярэцца ў Мінску і будзе трэніравацца на комплексе футбольных палёў у Вяснянцы. 10 кастрычніка зборная Беларусі прыме каманду Эстоніі, а 13-га сустрэнецца з футбалістамі Нідэрландаў. Абодва матчы адбудуцца на мінскім стадыёне «Дынама», пачатак у 19.00.

У пашыраны спіс уключаныя 30 гульцоў:

варатары — Аляксандр Гутар («Дынама», Брэст), Максім Плотнікаў («Дынама», Мінск), Антон Чычкан (БАТЭ);

абаронцы — Аляксандр Мартыновіч («Краснадар», Расія), Дзяніс Палякоў («Урал», Екацярынбург, Расія), Сяргей Паліцэвіч («Кайрат», Алматы, Казахстан), Алег Вераціла, Аляксандр Паўлавец (абодва — «Дынама», Брэст), Сяргей Мацвейчык («Шахцёр», Салігорск), Захар Волкаў (БАТЭ), Мікіта Навумаў («Жэтысу», Талдыкарган, Казахстан), Мікалай Золатаў («Віцебск»);

паўабаронцы — Станіслаў Драгун, Ігар Стасевіч, Дзмітрый Бага, Яўген Яблонскі (усе — БАТЭ), Павел Няхайчык, Міхаіл Гардзяйчук, Павел Савіцкі (усе — «Дынама», Брэст), Юрый Кавалёў, Макс Эбонг (абодва — «Шахцёр», Салігорск), Іван Маеўскі («Астана», Казахстан), Аляксандр Карніцкі («Мезекевешд», Венгрыя), Іван Бахар, Яўген Шаўчэнка (абодва — «Мінск»), Кірыл Пячэнін («Віцебск»);

нападаючыя — Мікалай Сігневіч («Ферэнцвараш», Будапешт, Венгрыя), Дзяніс Лапцеў («Дынама», Брэст), Максім Скавыш (БАТЭ), Віталь Лісаковіч («Вараждзін», Харватыя).

Канчатковы склад, у які ўвойдуць 23 гульцы, трэнерскі штаб назаве 7 кастрычніка. Становішча камандаў у кваліфікацыйнай групе С зараз такое: Германія — 12 ачкоў (5 матчаў), Паўночная Ірландыя — 12 (5), Нідэрланды — 9 (4), Беларусь — 3 (5), Эстонія — 0 (5).

Дар'я ЛАБАЖЭВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.