Вы тут

Пройдзе адкрыццё выстаўкі «Беларускі рубель. Гісторыя ў чвэрць стагоддзя».


У пачатку кастрычніка ў філіяле Нацыянальнага гістарычнага музея Беларусі «Музеі сучаснай беларускай дзяржаўнасці» пройдзе ўрачыстае адкрыццё выстаўкі «Беларускі рубель. Гісторыя ў чвэрць стагоддзя».


І сапраўды, сёлета 19 кастрычніка спаўняецца 25 гадоў з моманту прыняцця Вярхоўным Саветам Рэспублікі Беларусь пастановы, якая заканадаўча замацавала беларускі рубель у якасці адзінага законнага плацежнага сродку на тэрыторыі краіны. Гэтае рашэнне стала заключным этапам у працэсе набыцця беларускім рублём статусу нацыянальнай грашовай адзінкі.

У Музеі сучаснай беларускай дзяржаўнасці будзе прадстаўлена часовая экспазіцыя, прысвечаная гісторыі фарміравання і станаўлення наяўнага грашовага абарачэння ў нашай краіне. Матэрыялы экспазіцыі адлюстроўваюць храналогію станаўлення і развіцця беларускага рубля, пачынаючы з 1990-х гадоў і заканчваючы днём сённяшнім.

У экспазіцыі будуць упершыню прадстаўлены дакументы і прадметы, якія ілюструюць працэс распрацоўкі і фарміравання грашовай сістэмы ў краіне. Гэта і камплекты фотаформаў элементаў малюнкаў разліковых білетаў Нацыянальнага банка 1992 года, друкаваныя праекты грашовых знакаў, у тым ліку не выпушчаных у абарачэнне. Асобным блокам будзе адлюстравана работа Нацыянальнага банка па выпуску памятных і юбілейных манет.

Сяргей КУРКАЧ

Загаловак у газеце: Гісторыя беларускага рубля

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.