21 кастрычніка, серада

Вы тут

Андрэйчанка падкрэсліў важнасць канструктыўнага супрацоўніцтва ў галіне эканомікі


Старшыня Палаты прадстаўнікоў Нацыянальнага сходу Уладзімір Андрэйчанка узяў удзел у ІV Нарадзе спікераў парламентаў краін Еўразіі на тэму «Вялікая Еўразія: Дыялог. Давер. Партнёрства» ў горадзе Нур-Султане (Казахстан). Пра гэта паведамляе прэс-служба ніжняй палаты.


Сёлета ў міжпарламенцкім мерапрыемстве ўзялі ўдзел больш за 60 замежных краін і 14 міжнародных і міжпарламенцкіх арганізацый. Асаблівасцю ІV Нарады з'яўляецца тое, што ўпершыню ў ёй удзельнічалі вядучыя краіны заходняй Еўропы.

У сваім выступленні на нарадзе Уладзімір Андрэйчанка падкрэсліў важнасць канструктыўнага супрацоўніцтва ў галіне эканомікі, што дазваляе сціраць палітычныя межы, ліквідаваць ідэалагічныя штампы і міфалагемы, уносіць тым самым рэальны ўклад ва ўмацаванне ўзаемнага даверу, забеспячэнне бяспекі і зняцце міжнародных канфліктаў.

«Беларусь цвёрда стаіць на гэтай пазіцыі і актыўна прасоўвае яе ў сусветнай супольнасці, — сказаў ён. — Дзякуючы няўхільнаму выкананню ўзятых на сябе міжнародных абавязацельстваў, рэалізацыі мірных ініцыятыў і трывалай рэпутацыі донара рэгіянальнай бяспекі Мінск усё часцей становіцца месцам абмеркавання самых адчувальных праблем міжнароднага парадку».

Спікер ніжняй палаты беларускага парламента нагадаў пра ініцыятыву кіраўніка нашай дзяржавы Аляксандра Лукашэнкі аб перазапуску Хельсінкскага працэсу, якая атрымлівае ўсё большую падтрымку ў міжнароднай супольнасці. Нядаўна Прэзідэнт Беларусі выступіў з прапановай фарміравання «пояса лічбавага добрасуседства». Яе сутнасць — заключэнне міждзяржаўных і іншых пагадненняў аб забеспячэнні інфармацыйнай бяспекі, заснаваных на ідэях лічбавага суверэнітэту і нейтралітэту, якія гарантуюць неўмяшальніцтва краін у інфармацыйныя рэсурсы адна адной.

На пачатку кастрычніка ў Беларусі адбудзецца чарговая маштабная дыскусія дзеля аднаўлення стабільнасці ў рэгіёне — форум Мінскага дыялогу, які пройдзе пад дэвізам «Еўрапейская бяспека — адысці ад краю бездані».

«Кожнае з такіх мерапрыемстваў мы разглядаем як чарговае звяно ў ланцугу ўзаемазвязаных крокаў, падпарадкаваных агульнай мэце — пабудове новага, больш дасканалага светаўладкавання», — сказаў Уладзімір Андрэйчанка.

У першы і другі дні нарады старшыня Палаты прадстаўнікоў Нацыянальнага сходу Беларусі правёў двухбаковыя сустрэчы з кіраўнікамі парламентаў Казахстана, Малдовы, Узбекістана, Чэхіі, Расіі, Славакіі, Парламенцкай асамблеі АБСЕ.

Вольга Мядзведзева

Загаловак у газеце: Крокі ў бок даверу

Выбар рэдакцыі

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?