Вы тут

У Гродне пачаў дзейнічаць першы спартыўны інклюзіўны цэнтр


Падчас яго адкрыцця было заяўлена, што ў абласным цэнтры звяртаюць увагу на безбар'ернае асяроддзе. Вядзецца работа па абсталяванні пандусаў і пад'ёмнікаў. Большая частка грамадскага транспарту мае нізкія прыступкі, працуюць сацыяльныя таксі. Але ў горадзе тым не менш ёсць недахоп у памяшканнях для сумеснага правядзення вольнага часу.


Увядзенне новага цэнтра значна зніме гэту праблему, а таксама дазволіць больш увагі аддаваць здароваму спосабу жыцця. Па словах каардынатара праекта Ігара Дубовіка, тут змогуць трэніравацца людзі з рознымі фізічнымі магчымасцямі, у тым ліку з інваліднасцю. А гэта менавіта тая катэгорыя, якая мае патрэбу ў сістэмным аздараўленні.

Але не толькі. Як адзначыў старшыня Гродзенскага гарадскога Савета дэпутатаў Барыс Фёдараў, новы цэнтр стане месцам сяброўскіх сустрэч і адаптацыі людзей з інваліднасцю.

— Калі паглядзець, можна ўбачыць, як рухаецца і развіваецца гэты кірунак. Такі падыход заканамерны, бо кожны чалавек павінен забяспечвацца высокай якасцю жыцця і адчуваць сябе камфортна ў грамадстве, — адзначыў Барыс Фёдараў. — Таму новы цэнтр — не проста аб'ект з безбар'ерным асяроддзем. Гэта яшчэ і памяшканне, дзе людзі з абмежаванымі магчымасцямі могуць знаёміцца, займацца сваёй фізічнай формай, будаваць адносіны. І з'яўленне такіх аб'ектаў — свайго роду індыкатар стаўлення грамадства да праблем людзей з інваліднасцю.

Інклюзіўны цэнтр знаходзіцца ў будынку побач са спартыўным комплексам «Нёман». І тут усё зроблена так, каб інваліды-калясачнікі адчувалі сябе камфортна і пры гэтым маглі займацца спортам. Для гэтага тут устаноўлены адпаведныя трэнажоры, сталы для настольнага тэнісу і іншых настольных гульняў, баксёрскія прылады, кушэтка для рэабілітацыі апорна-рухальнай сістэмы і іншае.

— Інваліды-калясачнікі, якія ў адзін момант згубілі магчымасць актыўнага руху, да спорту ставяцца нават больш прыязна, чым тыя, у каго няма такіх праблем са здароўем, — кажа намеснік старшыні Гродзенскага гарвыканкама Зоя Кулеша. — І пакуль многія шукаюць адгаворкі і апраўданні свайму пасіўнаму спосабу жыцця, людзі з абмежаванымі магчымасцямі асвойваюць новыя спартыўныя вяршыні, няхай нават з рызыкай для сябе. Многія нашы інклюзіўныя спартсмены дабіліся выдатных вынікаў на многіх спартыўных спаборніцтвах, у тым ліку Параалімпійскіх гульнях.

Пасля ўрачыстага адкрыцця ўсе прысутныя змаглі азнаёміцца з магчымасцямі новага абсталявання. Інструктар па інклюзіўным кросфіце Віктар Захар'еў правёў інфармацыйны варкшоп. (Дарэчы, кросфіт — гэта праграма інтэнсіўных практыкаванняў на моц і трываласць, якія чаргуюцца.)

— У гэтай спартыўнай зале калясачнік, калі ён хоць бы крыху мабільны, можа залезці і пракачаць сабе грудную клетку і спіну, пацягаць блок. Яшчэ можна са штангай пазаймацца, — паведаміў інструктар. — Любы занятак спортам — гэта вялікая карысць для арганізма. Асабліва гэта трэба рабіць на ранняй стадыі інваліднасці. Увогуле, такія паслугі цяпер вельмі запатрабаваныя.

І хоць многае робіцца ў плане безбар'ернага асяроддзя, праблем тут хапае. Як кажуць самі інваліды-калясачнікі, яшчэ трэба многае змяніць, каб навакольнае асяроддзе стала больш дружалюбным да гэтай катэгорыі людзей.

— Сапраўды, мы адчуваем, як змяняецца гарадское асяроддзе. Выйсці на вуліцу стала намнога прасцей — ёсць і пандусы, і пад'ёмнікі. Лягчэй трапіць у краму, аптэку, паліклініку, пошту. Кіроўцы, згодна з заканадаўствам, абавязаны дапамагчы трапіць у грамадскі транспарт і выйсці з яго. Але яшчэ многа нюансаў, на якія варта звярнуць увагу. У прыватнасці, не ўсюды ёсць аўтамесцы для інвалідаў, а бывае, што яны занятыя, трэба таксама больш актыўна весці работу па паніжэнні бардзюраў у адпаведных месцах, — адзначыў старшыня Гродзенскай арганізацыі Рэспубліканскай асацыяцыі інвалідаў-калясачнікаў Сяргей Фешчанка.

Што датычыцца новага аб'екта, гэта, на яго думку, добрая нагода пакінуць сцены свайго жылля і атрымаць порцыю пазітыўных эмоцый. З новым цэнтрам многія віды спорту стануць даступныя большаму колу людзей з інваліднасцю.

Новы цэнтр адкрыты ў рамках праграмы ПРААН і накіраваны на ўкараненне здаровага спосабу жыцця для людзей з абмежаванымі магчымасцямі. З ініцыятывай выступіла Гродзенскае аб'яднанне рэспубліканскай асацыяцыі інвалідаў-калясачнікаў. Праект атрымаў фінансавую падтрымку Еўрапейскага саюза. Дарэчы, на конкурс «Будзь здаровы!» было пададзена 104 заяўкі, але толькі каля 30 было прынята да разгляду. Пяць ініцыятыў атрымалі фінансаванне ў Гродзенскай вобласці. А усяго ў краіне падтрымана і рэалізуецца 25 інавацыйных ідэй, якія накіраваны на прафілактыку неінфекцыйных захворванняў і папулярызацыю здаровага спосабу жыцця.

Маргарыта Ушкевіч

Фота: grоdnоnеws.bу

Загаловак у газеце: Жыццё без абмежаванняў

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.