Вы тут

Супрацоўніцтва ФПБ і Генпракуратуры пераходзіць у больш актыўную фазу


Супрацоўніцтва Федэрацыі прафсаюзаў Беларусі і Генеральнай пракуратуры Рэспублікі Беларусь пераходзіць у больш актыўную фазу.


На міжведамаснай сустрэчы старшыня Федэрацыі прафсаюзаў Беларусі Міхаіл ОРДА і Генеральны пракурор Рэспублікі Беларусь Аляксандр КАНЮК падвялі вынікі рэалізацыі Пагаднення аб узаемадзеянні ў сферы абароны канстытуцыйных правоў і гарантый працоўных і абмеркавалі перспектывы далейшай сумеснай работы.

— Наша супрацоўніцтва пераходзіць у больш актыўную фазу. Мы пачалі прадумваць новыя формы работы. Напрыклад, запланавалі наведаць раёны, якія пацярпелі ад чарнобыльскай аварыі, — расказаў журналістам Аляксандр Канюк.

Супрацоўнікі органаў пракуратуры і Федэрацыі прафсаюзаў удзельнічаюць у штомесячных прафсаюзных прававых прыёмах, якія праходзяць ва ўсіх рэгіёнах краіны. З канца 2017 года яны праводзіліся больш чым у дзвюх тысячах арганізацый. Юрысты ФПБ і работнікі пракуратуры аказалі прававую дапамогу больш чым сямі тысячам чалавек.

Па выніках сумеснага прыёму грамадзян у горадзе Гарадок, што ў Віцебскай вобласці, распрацаваны прапановы па карэкціроўцы Закона Рэспублікі Беларусь «Аб выканаўчай вытворчасці».

— Галоўная мэта нашага супрацоўніцтва — гэта справядлівыя рашэнні, якія мы можам прыняць, — адзначыў Міхаіл Орда.

Таксама ФПБ разам з пракуратурай працуе па такіх пытаннях, як несвоечасовая выплата заробку, парушэнні правілаў аховы працы, незаконныя звальненні і гэтак далей. Апроч таго, праводзяцца сумесныя праверкі, якія датычацца працоўнага заканадаўства. У планах — правесці маніторынг абноўленага працоўнага заканадаўства, якое пачне дзейнічаць з пачатку наступнага года.

Маргарыта ГАЙДАРЖЫ, студэнтка 4 курса  факультэта журналістыкі БДУ

Загаловак у газеце: У абарону работнікаў

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.