Вы тут

Цікавыя навіны замежжа


Адначасова нарадзілі сем жонак ратавальнікаў адной станцыі

У амерыканскім горадзе Солсберы, штат Паўночная Караліна, сем жонак пажарных, якія працуюць на адной станцыі, нарадзілі дзяцей прыкладна ў адзін і той жа час, паведамляе партал WNBC.

Першы раз СМІ звярнулі ўвагу на жанчын у сакавіку, тады ўсе яны былі на розных тэрмінах цяжарнасці і разам зрабілі фатаграфію ў пажарнай форме мужоў. Здымак шырока разышоўся па сацыяльных сетках. У верасні Брыяна Мітчэл, якая зрабіла першую фатаграфію, вырашыла сфатаграфаваць тых жа жанчын разам з іх нованароджанымі дзецьмі. «Не магу паверыць, што прайшло ўжо шэсць месяцаў з моманту, калі быў зроблены той здымак з будучымі мамамі. Час ляціць, і цяпер на пажарнай станцыі пазіруюць шчаслівыя і здаровыя дзеці і іх бацькі», — адзначыла амерыканка. Жанчыны заявілі журналістам, што не збіраліся зацяжарыць адначасова і не ведалі аб планах адна адной завесці дзяцей. «Магчыма, нашы мужы гэта запланавалі», — пажартавала адна з іх.


Аўтааматар не разгубіўся

Немец патушыў пажар півам

Нямецкі аўтааматар патушыў рухавік свайго аўто, якое загарэлася, некалькімі бутэлькамі піва, паведамляе агенцтва Assocіated Press.

Мужчына ехаў па аўтабане паблізу горада Хесбах у Баварыі і адчуў дзіўны пах. Пасля ён убачыў языкі полымя пад капотам сваёй машыны. Ён хутка ўзяў некалькі бутэлек піва, якія ляжалі ў салоне ў кейсе і заліў агонь. Пажарныя адрэагавалі на выклік і прыехалі, але ўзгаранне ўжо было патушана з дапамогай толькі пеннага напою.

Раней паведамлялася, што расіянін патушыў узгаранне квасам. Жыхар горада Камень-на-Обі (Алтайскі край) дапамог уладальнікам аўтамабіля Nіssan X-Traіl, які загарэўся, таксама заліўшы агонь, але гэтым разам — безалкагольным напоем.

Іван КУПАРВАС

Загаловак у газеце: Новая брыгада вырасце

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.