Вы тут

Мітынг-рэквіем адбыўся ў вёсцы Брусы Мядзельскага раёна каля помніка ахвярам фашызму


Трагедыя разыгралася 27 верасня 1943 года. Карнікі раніцай акружылі вёску. Жыхароў выгналі на вуліцу і сабралі ў адным месцы. Затым адабралі 46 працаздольных чалавек ад 20 да 50 гадоў і павялі пад канвоем у вёску Лынтупы для адпраўкі ў Германію.


У Брусы карнікі прыгналі таксама жыхароў вёскі Лужы, хутара Гаць, што не паспелі ўцячы ў лес. Людзей сагналі ў хлеў і падпалілі, па тых, хто спрабаваў бегчы, стралялі і зноў кідалі ў агонь. Усяго згарэў 41 чалавек.

Помнік у памяць загінулых устаноўлены ў 1981 годзе і ўяўляе сабой скульптуру жанчыны на прадаўгаватым пастаменце, куды ўрэзаны блок з імёнамі ахвяр фашызму. Жанчына-маці ў абгарэлым адзенні нібыта выступае з полымя і абхапіўшы галаву рукамі, шле пракляцці нелюдзям.

На Мядзельшчыне ў гады Вялікай Айчыннай вайны было спалена 68 вёсак, 63 з іх знішчаны цалкам, ахвярамі карнікаў сталі 183 жыхары.

Удзельнікі мерапрыемства ўсклалі кветкі да помніка і ўшанавалі памяць землякоў хвілінай маўчання. Яны таксама заклалі ў капсулу зямлю з воінскіх пахаванняў, якую перадалі ў Мядзельскі музей народнай славы для часовага захавання.

Таццяна ЛАЗОЎСКАЯ

Загаловак у газеце: Беларусь помніць

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.