Вы тут

170 тысяч разоў звярталіся гамяльчане за 8 месяцаў гэтага года на нумар 115


Партал «Мой Горад» 115.бел, які створаны з мэтай хуткага рэагавання на жыллёва-камунальныя праблемы беларусаў, актыўна выкарыстоўваецца жыхарамі Гомельшчыны. Ад іх за восем сёлетніх месяцаў было прынята каля 170 тысяч заявак.


Генеральны дырэктар дзяржаўнага аб'яднання «Жыллёва-камунальная гаспадарка Гомельскай вобласці» Дзмітрый Згурскі расказаў, што 85 % агучаных у адзінай дыспетчарскай службе ЖКГ праблем вырашана станоўча. Для рашэння часткі патрабуюцца і значныя фінансавыя сродкі, і больш працяглыя тэрміны.

Дарэчы, большасць зваротаў паступае ад жыхароў буйных населеных пунктаў вобласці: Гомеля, Жлобіна, Мазыра, Светлагорска, Рэчыцы і Калінкавічаў. Гэта звязана з тым, што ў вялікіх гарадах больш шырокі спектр паслуг, а таксама большыя патрабаванні з боку жыхароў. Уся інфармацыя, якая трапляе ў кантакт-цэнтр, дэталёва аналізуецца спецыялістамі. У тым ліку для прыняцця стратэгічных рашэнняў, рацыянальнага размеркавання рэсурсаў:

— Аналіз такой інфармацыі дапамагае бачыць пэўныя праблемныя адрасы і аператыўна вырашаць пытанні, што там узнікаюць, — кажа Дзмітрый Згурскі. — Больш за палову заявак, якія трапляюць у службу 115 па Гомельскай вобласці вырашаюцца ў той жа дзень. За вызначаны тэрмін больш за 92 тысячы заявак са 170 тысяч было вырашана на працягу дня, на працягу двух дзён — яшчэ 30 тысяч, для рашэння яшчэ 10 тысяч спатрэбілася тры дні. Час для рэагавання адказнымі службамі па той ці іншай заяўцы рэгламентаваны нарматыўнымі дакументамі. Так, пытанні, звязаныя з бяспекай людзей, павінны вырашацца неадкладна. Для гэтага створаны аварыйныя брыгады. Між тым у рэгіёне былі выпадкі, калі заяўкі асобнымі спецыялістамі выконваліся са спазненнем ці невысокай якасцю. Менавіта таму з пачатку года за розныя парушэнні прыцягнуты да адказнасці 45 службовых асоб.

Што датычыцца абласнога цэнтра, то, па інфармацыі начальніка аператыўна-дыспетчарскай службы КВУП «Гомельская гарадская ЖКГ» Андрэя Маркевіча, на партале зарэгістравана 1,5 тысячы гамяльчан. Пры гэтым толькі адзін з карыстальнікаў адправіў звыш 1,2 тысячы зваротаў, яшчэ шэсць гараджан адправілі больш чым па 200 зваротаў, трое — па 150.

Часцей за ўсё гамяльчане ўзнімаюць тэмы, якія датычацца дарожна-маставой гаспадаркі, вулічнага асвятлення, азелянення, санітарнага стану і водазабеспячэння.

Сёння зваротная сувязь з грамадзянамі на партале рэалізуецца праз магчымасць прагляду статусу апрацоўкі апублікаванага запыту, а таксама аналізу вынікаў работы па запыце ў фармаце малюнкаў «было» і «стала». Грамадзянін мае магчымасць уплываць на рэйтынг арганізацыі, калі ацэньвае якасць выкананай работы.

Між тым у краіне завяршаецца мадэрнізацыя партала «Мой горад» 115.бел з пераходам на платформу «Мая рэспубліка». Новы сэрвіс будзе прапаноўваць пашыраны функцыянал. Напрыклад, карыстальнікі змогуць убачыць у рэжыме «анлайн» графікі адключэння водазабеспячэння, электрычнасці, знаёміцца з тым, як ідзе працэс выканання заяўкі...

Ірына АСТАШКЕВІЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.