Вы тут

Восень у Басянках


На карце Мёрскага раёна значацца тры вёскі з падобнымі назвамі: Басянкі 1-я, Басянкі 2-я, Басянкі 3-я. Цяпер ніхто так не гаворыць, бо ўсе Басянкі зліліся ў агульнае паселішча. Калісьці тут быў заможны калгас імя Пушкіна (бюст паэта і дасюль стаіць у скверыку перад будынкамі былых канторы і клуба). Нажаль, ад той славы нічога не засталося. Няма ні школы, ні крамы, ні бібліятэкі.


Басянкі – вёска пенсіянераў, нягледзячы, што жывуць тут і школьнікі, і, нават некалькі немаўлят. Засталася толькі пошта з адным паштальёнам (ён жа і загадчык) і ФАП. Яго загадчыца, медыцынскі работнік Вольга Міхнёнак дваццаць чатыры гады вярнулася на радзіму і па-ранейшаму даглядае сваіх старэйшых землякоў. Адзінаццаць вёсак абслугоўвае Вольга, каб паспяваць да хворых, ёй прыходзіцца часта карыстацца веласіпедам.

А яшчэ Басянкі называюць інтэрнацыянальнай вёскай – тут жывуць змешаныя беларуска-украінскія сем’і. У свой час маладыя ўкраінкі прыязджалі на працу ў калгас (не хапала працоўных рук), некаторыя выйшлі замуж за мясцовых хлопцаў і засталіся назаўсёды на мёрскай зямлі. Павел і Алена Шамровічы жывуць тут у міры і згодзе трыццаць пяць гадоў, часта наведваюць малую радзіму Алены – Львоўшчыну.

 Першыя ранішнія маразы не засталі знянацку басянкоўцаў – усю бульбу і карняплоды выкапалі, агароды ўзаралі, бульбянішча спалілі. Засталіся толькі познія кветкі. Вёска падрыхтавалася да зімы.

Анатоль Кляшчук

Фота аўтара

Выбар рэдакцыі

Спорт

ФК «БАТЭ» перамог у фінале Кубка Беларусі па футболе

ФК «БАТЭ» перамог у фінале Кубка Беларусі па футболе

Барысаўчане перагулялі клуб з Брэста.

Грамадства

«Большасць пацыентаў дыягназ успрымаюць адэкватна». Як працуюць выязныя брыгады, што лечаць пацыентаў з COVID-19 дома

«Большасць пацыентаў дыягназ успрымаюць адэкватна». Як працуюць выязныя брыгады, што лечаць пацыентаў з COVID-19 дома

З канца красавiка пацыентаў, хворых на каранавiрусную iнфекцыю ў лёгкай i бессiмптомнай форме, лечаць амбулаторна. 

Культура

Марыя Касцюковіч: Спачатку дзiцячае кiно было вялiкiм выхавальнiкам, а потым стала часткай дзяцiнства

Марыя Касцюковіч: Спачатку дзiцячае кiно было вялiкiм выхавальнiкам, а потым стала часткай дзяцiнства

У сферы нашай культуралагiчнай лiтаратуры чакаецца прыбаўленне: праз пэўны час пад цвёрдай вокладкай мы зможам знайсцi грунтоўнае i займальнае даследаванне беларускага дзiцячага кiно — таго, што ў савецкiя i постсавецкiя часы адмыслова стваралася для вельмi асаблiвай аўдыторыi.