Вы тут

У Беларусі асобае стаўленне да грузін


Пра гэта заявіў Аляксандр Лукашэнка на сустрэчы з Георгіем Маргвелашвілі.


Фота БЕЛТА

Сённяшняя гутарка ў Палацы Незалежнасці атрымалася сяброўскай і поўнай асабістых успамінаў. Перш за ўсё, былы прэзідэнт Грузіі спяшаўся з вялікім гонарам перадаць прывітанне і словы любві ад шматлікіх грузін — якія нават асабіста не ведаюць Аляксандра Лукашэнку.

«Я лічу, што беларусы заслужылі ад грузін такую любоў, таму што мы заўсёды з павагай ставіліся да грузінскага народа. Я вам расказваў: з савецкіх часоў паважалі, любілі, зайздросцілі — таму што грузіны былі самымі прасунутымі, усе ездзілі на „Волгах“ чорных ці белых, а мы ў іх вучыліся», — з усмешкай узгадаў беларускі лідар, што прымусіла і госця развесяліцца.

Георгій Маргвелашвілі падкрэсліў, што добрыя, трывалыя, шчырыя стасункі зараз падмацаваныя актыўнымі двухбаковымі сустрэчамі, якія ініцыявала Беларусь. Такія прызнанні — не проста словы: насуперак агульнай лініі на салідарызацыю з пазіцыяй заходніх дзяржаў Тбілісі не падтрымлівае антыбеларускія ініцыятывы і заявы ЕС і ЗША ў рамках АБСЕ. У фармаце «Усходняга партнёрства» Грузія таксама традыцыйна выступае супраць дыскрымінацыі Беларусі. Дарэчы, наша дагаворная база налічвае больш за 60 пагадненняў.

«Як у Грузіі ставяцца да беларускага прадукту ўвогуле, любога прадукту, як ставяцца да актыўнага развіцця эканамічных адносін паміж дзвюма краінамі! Гандлёвая марка „Беларусь“ стала сур’ёзным брэндам якасці», — і аб гэтым былы грузінскі лідар імкнуўся сказаць Аляксандру Лукашэнку асабіста. 

Асобна Георгій Маргвелашвілі падзякаваў за правядзенне фестывалю «Тбілісоба» ў Мінску. І хаця Аляксандр Лукашэнка адзначыў, што гэта заслуга не кіраўніка краіны, а грузін, — госць не згадзіўся: «Не ўсюды так атрымалася». Паколькі, сапраўды, у Мінску плошча ледзь умясціла ўсіх зацікаўленых, трэба паўтараць падобныя святы часцей, зрабіў выснову кіраўнік Беларусі.

«Калісьці марылі закласці фундамент, дык сёння ў нас ужо нешта атрымалася, ужо можна будаваць дом нейкі», — падвёў прамежкавы вынік Прэзідэнт.

У размове з журналістамі былы кіраўнік Грузіі засведчыў, што дынаміка беларуска-грузінскіх адносін уражвае: закладзенае пры першым візіце Аляксандра Лукашэнкі ў 2015 годзе актыўна развіваецца.

На думку госця, Мінск становіцца горадам сур’ёзных міжнародных перамоў, форумаў і канферэнцый. Так, заўтра сам Георгій Маргвелашвілі прыме ўдзел у «Мінскім дыялогу». Адказваючы на пытанні, госць падкрэсліў, што дэстабілізацыя ў рэгіёне Усходняй Еўропы — фармат, у якім жывем мы ўсе. Урэгуляванне праблем, пераход ад вайны да прызнання факта існавання незалежных дзяржаў і іх інтарэсаў, вырашэнне пытанняў неваеннымі метадамі цікавяць не толькі грузін, украінцаў ці малдаван альбо беларусаў. 

«Гэта і ёсць пытанне стабільнасці ў Еўропе. Мінск стварае неабходную атмасферу для перамоў, дасягнення дамоўленасцяў. Аляксандр Рыгоравіч заўсёды падтрымліваў менавіта гэтую пазіцыю: давайце размаўляць і ствараць, аднаўляць разбураныя масты, прызнаючы інтарэсы адно аднаго», — сказаў Георгій Маргвелашвілі.

Падчас інтэрв’ю ён прызнаўся, што імкнецца спаборнічаць з Аляксандрам Лукашэнкам у частцы сельскай гаспадаркі, вырошчваючы беларускую бульбу.
«Пакуль што ў яго лепшы ўраджай, але мы працуем наконт гэтага. Беларускія гатункі бульбы добра ідуць — і ў мяне, і ў суседзяў, якім потым яе даю», — адзначыў дасведчаны фермер.

Варвара МАРОЗАВА

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п