11 кастрычніка ў Інстытуце фізіялогіі НАН Беларусі (г. Мінск, вул. Акадэмічная, 28) пройдзе Міжнародная канферэнцыя “Даследаванні мозгу. Перадавыя дасягненні нейрафізіялогіі”.
У яе рамках адбудзецца круглы стол на тэму “Прыродны і штучны інтэлект”. Арганізатарамі мерапрыемства выступаюць Інстытут фізіялогіі НАН Беларусі, Аб'яднаны інстытут праблем інфарматыкі НАН Беларусі і Цэнтр мозгу.
Тэма штучнага інтэлекту ў апошняе дзесяцігоддзе ва ўсіх на слыху. Навукоўцы ствараюць алгарытмы і праграмы, якія пры іх прымяненні ў робатах ці іншых прыладах, дазваляюць вырашаць мноства задач нашмат хутчэй за чалавека. Напрыклад, менавіта штучны інтэлект дапамагае фактычна імгненна здзяйсняць найскладанейшы аналіз гісталагічных характарыстык тканак пухліны. Гэта вельмі важна для прыняцця хірургам рашэння падчас аператыўнага ўмяшання і выдалення пухліны.
З іншага боку, ёсць і прыродны інтэлект. І яго магчымасці яшчэ слаба вывучаны. Гэтыя і іншыя праблемы будуць у цэнтры ўвагі ўдзельнікаў канферэнцыі і круглага стала.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
