Вы тут

12 кастрычніка стартуюць першыя Сусветныя пляжныя гульні


Першапачаткова планавалася, што мультыспартыўны турнір пройдзе ў Сан-Дыега, але 14 чэрвеня 2019 года Асацыяцыя нацыянальных алімпійскіх камітэтаў прыняла рашэнне перанесці гульні ў Катар, растлумачыўшы гэта рашэнне фінансавымі праблемамі. У гульнях возьме ўдзел больш за тысячу спартсменаў з 97 краін свету. Спаборнічаць атлеты будуць у 14 дысцыплінах.


На пляжы пройдзе футбол, тэніс, гандбол, валейбол (4х4), барацьба і каратэ (індывідуальны кат). На вадзе — парусны спорт, водныя лыжы (вейкбордынг і скачкі), плаванне на адкрытай вадзе (5 км). Экшн-спорт будзе прадстаўлены скейтбордынгам (парк), боўлдэрынгам, баскетболам (3х3), аквафлонам.

Мэта арганізацыі спаборніцтваў — аб'яднаць атлетаў папулярных у моладзі спартыўных дысцыплін і спартыўных фанатаў новага пакалення з усіх краін свету. Беларусь на гэтых буйных спаборніцтвах будзе прадстаўлена трыма спартсменамі, у Досе выступяць лідары зборнай па водных лыжах Сцяпан Шпак, Ганна Стральцова і Аляксандра Данішэўская. У нацыянальнай зборнай Беларусі адзначылі, што на старты адпраўляюцца вядучыя атлеты, якія ўжо дэманстравалі высокія вынікі на міжнародных спаборніцтвах. Напрыклад, Ганна Стральцова з'яўляецца сярэбраным прызёрам чэмпіянату свету 2019 года.

Талісманам І Сусветных пляжных гульняў абраны дэльфін Долфі. Плануецца, што спаборніцтвы па пляжных і водных відах спорту будуць праводзіцца адзін раз у два гады пад кіраўніцтвам Асацыяцыі нацыянальных алімпійскіх камітэтаў.

Дар'я ЛАБАЖЭВІЧ

Выбар рэдакцыі

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску. 

Грамадства

Як у Магілёве, Баранавічах і Чавусах рэалізуецца праект камунальнага кіравання ў гарадах

Як у Магілёве, Баранавічах і Чавусах рэалізуецца праект камунальнага кіравання ў гарадах

Мэта праекта — на прыкладзе трох беларускіх гарадоў паказаць, як можна палепшыць сістэму кіравання гарадской гаспадаркай.

Грамадства

Азбука прафесій: балерына Таццяна Уласень пра кар'еру і сям'ю

Азбука прафесій: балерына Таццяна Уласень пра кар'еру і сям'ю

Разам з 9-гадовай дачкой раскрывае сакрэты.