24 кастрычніка, субота

Вы тут

Якія крокі робіць дзяржава па лібералізацыі бізнесу?


Прэзумпцыя добрасумленнасці, законапаслухмянасць бізнесу і прастата ў падатках

Гэтыя і іншыя пытанні абмяркоўвалі ўчора ўдзельнікі пасяджэння Савета па развіцці прадпрымальніцтва, якое адбылося ў новым будынку Вярхоўнага суда краіны. Эксперты намагаліся знайсці адказ, як вызначаць прэзумпцыю добрасумленнасці суб'ектаў гаспадарання, разбіраліся з артыкулам 33 Падатковага кодэксу і разглядалі асаблівасці правапрымяняльнай практыкі.


Усе суб'екты гаспадарання добрасумленныя, пакуль суд не дакажа адваротнага. Менавіта гэты прынцып неабходна закладваць як галоўны ва ўзаемадзеянні бізнесу і дзяржавы, заўважыў Аляксандр ТУРЧЫН, старшыня Савета па развіцці прадпрымальніцтва, першы намеснік прэм'ер-міністра.

Савет створаны як пастаянна дзеючы орган пры Прэзідэнце Беларусі, і ў яго склад уваходзяць кіраўнікі найбольш паспяховых прыватных прадпрыемстваў.

— Гэта людзі, якія няхай і не ў поўным аб'ёме, але ўвасабляюць сабой эліту нашага бізнесу. Людзі, за якімі стаяць шматтысячныя працоўныя калектывы, якія плацяць падаткі, таму да іх думкі абавязкова варта прыслухацца, — мяркуе старшыня Савета.

Дзяржава робіць сур'ёзныя крокі па лібералізацыі бізнесу ў краіне. Адменены Указ № 488, з 1 ліпеня лібералізаваны шэраг артыкулаў Крымінальнага кодэксу. У той жа час бізнес-суполка асцерагаецца, пэўна ж у нечым і справядліва, што могуць паўтарыцца негатыўныя гісторыі, якія мелі месца ў недалёкім мінулым, адзначыў старшыня Савета:

— Мы хочам пачуць і асцярогу экспертнай суполкі, і каб нашы калегі з сілавога блока адказалі на пытанні, якія цікавяць экспертаў.

Ён таксама акрэсліў сітуацыю адносна артыкула 33 Падатковага кодэкса. Артыкул датычыцца выплаты падаткаў, утойвання прыбытку, адсутнасці рэальнай гаспадарчай дзейнасці і іншых нормаў, парушэнне якіх, наўмыснае ці памылковае, цягне праверку і пакаранне.

— Гэты артыкул — не дакладная копія Указа № 488 аб ілжэпрадпрымальніцтве. Аднак усё залежыць ад таго, як будзе рэалізоўвацца гэты артыкул у правапрымяняльнай практыцы. У нас нармальныя законы, проста трэба навучыцца іх правільна выконваць. Менавіта суд ставіць канчатковую кропку ў спрэчках, аднак прапісаць у заканадаўстве кожны выпадак і сітуацыю немагчыма, — акрэсліў Аляксандр Турчын.

Эфект ад змен, якія прымаюцца, старшыня Савета разглядае праз прызму эканомікі і кажа: «Сёння паспяховае развіццё бізнесу — гэта рост нашай эканомікі, павелічэнне выплат у бюджэт і рост дабрабыту народа. Наш бізнес законапаслухмяны, усе стараюцца плаціць падаткі, аднак, як і паўсюль, тут ёсць свае выключэнні».

Аляксандр Турчын дадаў таксама, што ў грамадстве прысутнічаюць нейкія ілюзіі адносна таго, што такое малы і сярэдні бізнес:

— Сярэдні бізнес сёння — гэта кампаніі прыкладна да 250 чалавек. Ва ўмовах высокатэхналагічнасці нашага свету і вытворчасці кампанія ў 200 чалавек — гэта ўжо даволі вялікая арганізацыя. Вельмі важная ўмова, думаю, прастата: і падатковага заканадаўства, і іншых рэчаў. Для індывідуальных прадпрымальнікаў і мікрапрадпрыемстваў, дзе занятыя два-тры чалавекі, усё павінна быць гранічна проста, каб немагчыма было памыліцца. Калі ж ты наўмысна ідзеш на парушэнне, за гэта прадугледжана адказнасць.

Ірына СІДАРОК

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.