01 снежня, аўторак

Вы тут

Мархель гатовы адкрыць сваю пераможную серыю


Сёння зборная Беларусі па футболе правядзе чарговы матч у рамках адбору на чэмпіянат Еўропы 2020 года. Гасцямі стануць футбалісты з Эстоніі, гульня пройдзе на сталічным стадыёне «Дынама» ў 19.00. Завершыць восеньскую сесію матч са зборнай Нідэрландаў 13 кастрычніка.


Галоўны трэнер беларусаў Міхаіл Мархель перад чарговымі стартамі адзначыў, што каманда ў абедзвюх сустрэчах будзе імкнуцца да перамог.

«З эстонцамі нам трэба згуляць хоць бы на ўзроўні, як мы згулялі ў Таліне і перамагчы, — сказаў паўабаронца зборнай Беларусі Ігар Стасевіч. — А каб дабіцца станоўчага выніку ў матчы з Нідэрландамі, павінна супасці шмат фактараў — удача, поспех і самааддача».

Канчатковы склад беларускай зборнай выглядае наступным чынам:

  • варатары: Аляксандр Гутар («Дынама-Брэст»), Антон Чычкан (БАТЭ), Ягор Хаткевіч («Іслач»);
  • абаронцы: Аляксандр Мартыновіч («Краснадар»), Дзяніс Палякоў («Урал», Екацярынбург), Сяргей Паліцэвіч («Кайрат», Алматы), Алег Вераціла («Дынама-Брэст»), Сяргей Матвейчык («Шахцёр», Салігорск), Захар Волкаў (БАТЭ), Мікіта Навумаў («Жэтысу», Талдыкарган), Мікалай Золатаў («Віцебск»);
  • паўабаронцы: Станіслаў Драгун, Ігар Стасевіч, Яўген Яблонскі (усе — БАТЭ), Павел Савіцкі («Дынама-Брэст»), Юрый Кавалёў, Макс Эбонг (абодва — «Шахцёр», Салігорск), Іван Маеўскі («Астана», Казахстан), Іван Бахар, Яўген Шаўчэнка (абодва — «Мінск»);
  • нападаючыя: Дзяніс Лапцеў («Дынама-Брэст»), Максім Скавыш (БАТЭ), Віталь Лісаковіч («Варажзін», Харватыя).

Перад чарговымі матчамі адбору да Еўра-2020 зборная Беларусі, маючы тры ачкі, знаходзіцца на чацвёртым месцы ў групе С, лідзіруе каманда Германіі, на другім месцы — Паўночная Ірландыя, на трэцім радку знаходзяцца Нідэрланды.

Цяпер зборная Беларусі ў рэйтынгу ФІФА займае 82-е месца, сярэдні ўзрост нашай каманды — 27,5 года.

10 кастрычніка Нідэрланды прымуць Паўночную Ірландыю, а 13 кастрычніка Эстонія згуляе з камандай Германіі.

Дар'я ЛАБАЖЭВІЧ

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.