Вы тут

Беларусь на пляцоўцы СНД давяла пазіцыю па пытаннях рэгіянальнай бяспекі


Беларусь у час праводзімага ў сталіцы Туркменістана Ашхабадзе Савета міністраў замежных спраў давяла да калег у СНД сваю пазіцыю па пытаннях рэгіянальнай бяспекі. Аб важных пытаннях у парадку дня і падыходах беларускага боку перад пачаткам пасяджэння расказаў журналістам кіраўнік беларускага знешнепалітычнага ведамства Уладзімір Макей, перадае БЕЛТА.


"У час традыцыйнага абмену думкамі па сітуацыі ў рэгіёне мы давядзём пазіцыю Беларусі па шэрагу актуальных пытанняў, звязаных з забеспячэннем міру, бяспекі, эканамічнага развіцця ў нашай краіне і вакол яе ў Еўрапейскім рэгіёне і на постсавецкай прасторы. Гэта вельмі важна. Мы праінфармуем аб тых ініцыятывах, якія былі вылучаны апошнім часам кіраўніком дзяржавы, і якія накіраваны на забеспячэнне міру і бяспекі", - сказаў міністр.

На пасяджэнні СМЗС таксама абмеркавана праграма ўзаемадзеяння паміж знешнепалітычнымі ведамствамі на будучы перыяд.

У ліку важных пытанняў пасяджэння Уладзімір Макей згадаў праект стратэгіі забеспячэння інфармацыйнай бяспекі краін СНД. "Сёння гэта тэма выходзіць у лік прыярытэтных. Вы бачыце, якія прэтэнзіі прад'яўляюцца ў адносінах адзін да аднаго. Мы з'яўляемся сведкамі хакерскіх атак супраць не толькі нейкіх устаноў, але і цэлых краін. Таму гэта тэма будзе абмяркоўвацца на пасяджэнні СМЗС, і на пасяджэнні Савета кіраўнікоў дзяржаў. І Беларусі ёсць аб чым праінфармаваць калег. У нас прынята адпаведная канцэпцыя інфармацыйнай бяспекі, існуе шэраг ініцыятыў, накіраваных на ўдасканаленне гэтай дзейнасці", - адзначыў кіраўнік беларускага знешнепалітычнага ведамства.

У ліку важных дакументаў таксама пагадненне аб супрацоўніцтве ў процідзеянні карупцыі, праграма супрацоўніцтва ў барацьбе з тэрарызмам і іншымі насільнымі праявамі экстрэмізму на 2020-2022 гады.

Акрамя таго, на пасяджэнні Савета кіраўнікоў дзяржаў 11 кастрычніка плануецца прыняць зварот да народаў краін Садружнасці і сусветнай грамадскасці ў сувязі з 75-годдзем Перамогі савецкага народа ў Вялікай Айчыннай вайне. У сувязі з гэтым на мерапрыемствах па лініі СНД абмяркоўваюцца пытанні, звязаныя з падрыхтоўкай да святкавання ў наступным годзе гэтай памятнай даты.

"Пасяджэнне з'яўляецца вельмі важным, канкрэтным і прадметным. Гэта дае добрую магчымасць сустрэцца і абмеркаваць бягучыя пытанні і ўзаемадзеянне, якое накіравана на забеспячэнне большага супрацоўніцтва на постсавецкай прасторы", - падкрэсліў Уладзімір Макей.

Выбар рэдакцыі

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску. 

Грамадства

Як у Магілёве, Баранавічах і Чавусах рэалізуецца праект камунальнага кіравання ў гарадах

Як у Магілёве, Баранавічах і Чавусах рэалізуецца праект камунальнага кіравання ў гарадах

Мэта праекта — на прыкладзе трох беларускіх гарадоў паказаць, як можна палепшыць сістэму кіравання гарадской гаспадаркай.

Грамадства

Азбука прафесій: балерына Таццяна Уласень пра кар'еру і сям'ю

Азбука прафесій: балерына Таццяна Уласень пра кар'еру і сям'ю

Разам з 9-гадовай дачкой раскрывае сакрэты.